Monday, November 30, 2015

ശാസ്ത്രബോധമില്ലാത്ത ശാസ്ത്രജ്ഞന്മാർ 

ഡോ: പുഷ്പ എം. ഭാർഗ്ഗവ 

(ഹൈദരാബാദിലെ സെന്റർ ഫോർ സെല്ലുലാർ ആൻഡ്‌ 
മോളിക്യൂലർ ബയോളജിയുടെ സ്ഥാപക ഡയരക്ടർ)

ജവഹർലാൽ നെഹ്‌റു 1946 ൽ പ്രസിദ്ധീകരിച്ച തന്റെ  
'ഡിസ്കവറി ഓഫ് ഇന്ത്യ' (ഇന്ത്യയെ കണ്ടെത്തൽ) എന്ന 
ഗ്രന്ഥത്തിൽ 'ശാസ്ത്രബോധം' (scientific temper) എന്ന പദം 
പ്രയോഗിക്കുകയുണ്ടായി. അസോസിയേഷൻ ഓഫ് 
സയന്റിഫിക് വർക്കേഴ്സ് ഓഫ് ഇന്ത്യ (ASWI) എന്ന ട്രേഡ് 
യൂണിയന്റെ പ്രസിഡന്റ് കൂടിയായിരുന്നു അക്കാലത്ത് 
അദ്ദേഹം. (ഒരു പക്ഷെ, ഒരു പ്രധാനമന്ത്രി ഒരു തൊഴിൽ 
സംഘടനയുടെ പ്രസിഡന്റ് ആകുന്ന ആദ്യത്തെ സംഭവ
മായിരിക്കാം ഇത്.)1940 കളിലും 1950 കളിലും ഈ സംഘടന
യുമായി ഞാൻ ഗാഡബന്ധം പുലർത്തിയിരുന്നു.  ASWI യുടെ 
മുഖ്യലക്ഷ്യം ശാസ്ത്രബോധം പ്രചരിപ്പിക്കുക എന്നതായിരുന്നു. 
തുടക്കത്തിൽ വളരെ സജീവമായിരുന്ന  ഈ സംഘടന 1960 
കളോടുകൂടി  നിർജ്ജീവമായിത്തുടങ്ങി. നമ്മുടെ രാജ്യത്തെ 
ശാസ്ത്രജ്ഞന്മാർ  ശാസ്ത്രബോധമുള്ളവരായിരുന്നില്ല എന്നതാണ് 
ഈ പിറകോട്ടു പോക്കിന് കാരണം. അവരിൽ പലരും   ഉന്നത
സ്ഥാനങ്ങൾ അലങ്കരിക്കുന്നവരുമായിരുന്നു. ശാസ്ത്രബോധം 
ആവശ്യപ്പെടുന്ന യുക്തിചിന്ത അവർക്കുണ്ടായിരുന്നില്ല.  
സിദ്ധാന്താടിമത്വം, അന്ധവിശ്വാസങ്ങൾ, കപടവിശ്വാസങ്ങൾ 
എന്നിവയിൽ നിന്ന് അവർ മോചിതരുമായിരുന്നില്ല. 


ശാസ്ത്രബോധം വളർത്തുന്നതിന് നേതൃത്വം കൊടുക്കേണ്ടവരാണ് 
എന്ന് നമ്മൾ പ്രതീക്ഷിക്കുന്ന നമ്മുടെ ശാസ്ത്രജ്ഞന്മാർ  ശാസ്ത്രബോധ
മുള്ളവരല്ലെന്നും  മറ്റേതൊരു വിഭാഗത്തേയും പോലെ അന്ധവിശാസി കളാണെന്നുമുള്ളതിനു  തെളിവ് 1964 ലെ ഈയൊരു സംഭവമാണ്. 
സതീഷ്‌ ധവാന്റെ (പിന്നീട് സ്പേസ് ഡിപ്പാർട്ട്മെന്റ് സിക്രട്ടറിയായ 
ശാസ്ത്രജ്ഞൻ) ഒരു പ്രസ്താവനയെത്തുടർന്ന് അബ്ദുറഹിമാനും 
(പ്രശസ്തനായ ശാസ്ത്രചരിത്രകാരൻ) ഞാനും കൂടി, 1964 ജനുവരിയിൽ, 
ദി 'സൊസൈറ്റി ഫോർ സയന്റിഫിക് ടെമ്പർ' എന്ന ഒരു സംഘടന
യുണ്ടാക്കി. സ്ഥാപക അംഗങ്ങളിൽ നോബൽ സമ്മാന ജേതാവായ 
ഫ്രാൻസിസ് ക്രിക്കിനെപ്പോലുള്ള പ്രശസ്ത ശാസ്ത്രജ്ഞന്മാർ കൂടി 
ഉൾപ്പെട്ടിരുന്നു. സൊസൈറ്റിയിൽ അംഗത്വമെടുക്കാൻ ഇങ്ങനെ
യൊരു പ്രസ്താവനയിൽ ഒപ്പ് വെക്കേണ്ടിയിരുന്നു. "വെളിപാട് കൊണ്ട്  
അറിവ് ലഭിക്കുകയില്ല എന്നും മനുഷ്യപ്രയത്നത്തിലൂടെ മാത്രമേ അത്  
ആർജ്ജിയ്ക്കുവാൻ കഴിയുകയുള്ളൂ എന്നും  എല്ലാ പ്രശ്നങ്ങളേയും അഭിമുഖീ
കരിക്കേണ്ടത് പ്രകൃത്യാതീതശക്തികളിൽ അഭയം പ്രാപിക്കാതെ  
മനുഷ്യന്റെ ധാർമ്മികവും, ബുദ്ധിപരവുമായ  നേട്ടങ്ങളെ  ഉപയോഗിച്ചു 
കൊണ്ടാവണമെന്നും  ഞാൻ വിശ്വസിക്കുന്നു"  ഈ പ്രസ്താവനയുമായി 
ഞങ്ങൾ ഒന്നൊന്നായി എല്ലാ ശാസ്ത്രജ്ഞന്മാരെയും സമീപിച്ചെങ്കിലും 
ആരും തന്നെ  ഇതിൽ ഒപ്പ് വെയ്ക്കുവാൻ തയ്യാറായില്ല.. 
ഇത് ശാസ്ത്രജ്ഞരെക്കുറിച്ചുള്ള ഞങ്ങളുടെ വ്യാമോഹം ദൂരീകരിച്ചു. 
അവർ ശാസ്ത്രബോധം തൊട്ടുതീണ്ടാത്തവരാണെന്ന് ഞങ്ങൾക്ക് 
വ്യക്തമായി. ഈ വ്യാമോഹമുക്തിയെത്തുടർന്ന് ഞാൻ അന്നത്തെ 
കേന്ദ്ര വിദ്യാഭ്യാസ മന്ത്രി പ്രൊഫ: നൂറുൽ ഹസ്സനെ സമീപിയ്ക്കുകയും 
താഴെ പറയുന്ന ഉപവകുപ്പ് ഭരണഘടനയുടെ ആർട്ടിക്കിൾ 51 A 
യിൽ 1976 ലെ 42 ആം ഭരണഘടനാ ഭേദഗതിയുടെ ഭാഗമായി 
ഉൾപ്പെടുത്തണമെന്ന്  അപേക്ഷിക്കുകയും ചെയ്തു.
"ശാസ്ത്രമാനോഭാവവും മാനവികതയും അന്വേഷണത്തിനും പരിഷ്കരണ
ത്തിനുമുള്ള ത്വരയും വികസിപ്പിക്കുക എന്നത് ഓരോ ഇന്ത്യൻ 
പൌരന്റെയും കടമയാണ്" 

ഈ വാക്യങ്ങൾ നമ്മുടെ ശാസ്ത്രജ്ഞരെ ഉണർത്തുകയും  ശാസ്ത്ര
ബോധത്തെ സംബന്ധിച്ച തങ്ങളുടെ ഉത്തരവാദിത്വത്തെക്കുറിച്ച് 
അവരെ ഓർമ്മപ്പെടുത്തുകയും ചെയ്യേണ്ടതായിരുന്നു. എന്നാൽ 
50-60 വർഷങ്ങൾക്ക് മുമ്പുണ്ടായിരുന്ന അവസ്ഥ ഇന്നും 
മെച്ചപ്പെട്ടിട്ടില്ല എന്നാണു ഞാൻ മനസ്സിലാക്കുന്നത്. 
മൂന്ന് ഉദാഹരണങ്ങൾ ചൂണ്ടിക്കാണിക്കട്ടെ.

 (1) മുൻ ബി.ജെ.പി. ഗവണ്മെന്റിന്റെ കാലത്ത് അന്നത്തെ 
മാനവശേഷിവികസനമന്ത്രി ശ്രീ. മുരളി മനോഹർ ജോഷി, 
എല്ലാ യൂണിവേഴ്സിറ്റികൾക്കും ജ്യോതിഷത്തിൽ ഡിഗ്രീ കോഴ്സ് 
ആരംഭിക്കാൻ സർക്കുലർ കൊടുക്കാൻ യൂണിവേഴ്സിറ്റി ഗ്രാന്റ്സ് 
കമ്മീഷനോട് ആവശ്യപ്പെട്ടു. ഇതിനായി പ്രത്യേക ഗ്രാന്റും 
നൽകുന്നതാണെന്ന് ജോഷി പറഞ്ഞു. ഈ ഉത്തരവിനെ ചോദ്യം 
ചെയ്തു കൊണ്ട് ഞാനും എന്റെ സഹപ്രവർത്തക ചന്ദന 
ചക്രവർത്തിയും സുപ്രീം കോടതിയിൽ ഹർജി  ഫയൽ ചെയ്തു. 
പ്രശാന്ത് ഭൂഷണായിരുന്നു ഞങ്ങളുടെ വക്കീൽ. പെറ്റീഷൻ 
ഫയലിൽ സ്വീകരിച്ചു. പക്ഷെ വാദം കേട്ട ശേഷം കോടതി അത് 
തള്ളി. (ഇത് പ്രതീക്ഷിച്ചത് തന്നെയായിരുന്നു) തികച്ചും 
അശാസ്ത്രീയവും, യുക്തിരഹിതവും, എത്രയോ തവണ പരീക്ഷണ
ങ്ങളാൽ തെറ്റാണെന്ന് തെളിയിക്കപ്പെട്ടതുമായ ജ്യോതിഷത്തിലുള്ള 
വിശ്വാസം നീതിപീഠങ്ങളെപ്പോലും വരുതിക്ക് നിർത്താൻ മാത്രം 
വ്യാപകശക്തിയുള്ളതാണ് എന്ന് ഈ വിധി തെളിയിക്കുന്നു. 
ഒരു ശാസ്ത്രജ്ഞൻ പോലും ഞങ്ങളെ പിന്തുണയ്ക്കാൻ വന്നില്ല. 
പ്രതിവർഷം ലക്ഷക്കണക്കിനു രൂപ ചിലവഴിച്ച് സർക്കാർ 
പരിപാലിച്ചുപോരുന്ന ആറ് നാഷണൽ സയൻസ് അക്കദമികളിൽ 
ഒന്നുപോലും ഞങ്ങളെ പിന്തുണച്ചില്ല. ആവശ്യപ്പെടാതെ തന്നെ 
പണം തന്നു കേസ് നടത്താൻ ഞങ്ങളെ സഹായിച്ച വ്യക്തികളെല്ലാം 
തന്നെ ശാസ്ത്രജ്ഞന്മാരല്ലാത്തവരായിരുന്നു. നമ്മുടെ സയൻസ് 
അക്കാദമികളുടെ മേൽപ്പറഞ്ഞ ദൌർബ്ബല്യങ്ങളും പൊതുവെ, 
ശാസ്ത്രവുമായി ബന്ധപ്പെട്ട സാമൂഹികവിഷയങ്ങളിൽ അവർ 
പ്രകടിപ്പിക്കുന്ന നിർവ്വികാരതയും തിരിച്ചറിഞ്ഞ ഞാൻ 1993 ൽ 
മൂന്ന് സയൻസ്  അക്കദമികളുടെ ഫെലോഷിപ്പിൽ നിന്ന് രാജി വെച്ചു. 

(2) കഴിഞ്ഞ വർഷം മുംബൈയിൽ വെച്ച് ഒരു കൂട്ടം ശാസ്ത്രജ്ഞന്മാരെ 
പ്രധാനമന്ത്രി നരേന്ദ്ര മോഡി അഭിസംബോധന ചെയ്യുകയുണ്ടായല്ലോ. 
ആ അവസരത്തിൽ മോഡി അവകാശപ്പെട്ടത്  പുരാതന 
ഭാരതത്തിൽ അവയവമാറ്റ ശസ്ത്രക്രിയ നടന്നിരുന്നു എന്നും അതിന്റെ 
തെളിവാണ് ആനയുടെ തലയും മനുഷ്യന്റെ ഉടലുമുള്ള ഗണേശൻ 
എന്നുമാണ്. നമ്മുടെ ശാസ്ത്രജ്ഞന്മാരും ആറ് സയന്സ് അക്കാദമികളും 
ഇത് കേട്ട് മിണ്ടാതിരുന്നു. ഇതാണ് രണ്ടാമത്തെ ഉദാഹരണം. 

(3) മുംബൈയിൽ വെച്ച് ഈ മാസം (2015 ജനുവരി) ആദ്യം നടന്ന 
102 ആമത് സയൻസ് കോണ്ഗ്രസ്സിലെ കൊട്ടിഘോഷിക്കപ്പെട്ട 
"പുരാതന ശാസ്ത്രം സംസ്കൃത ത്തിലൂടെ" എന്ന വിഷയത്തിലുള്ള 
സിമ്പോസിയമാണ് മൂന്നാമത്തെ ഉദാഹരണം. 9000 
(മോഹന്ജദാരോ ഹാരപ്പൻ സംസ്കാരങ്ങൾക്കും 4500 വർഷങ്ങൾക്ക് 
മുമ്പ്) വർഷങ്ങൾക്ക് മുമ്പ് ഇന്ത്യയിൽ ജംബോ വിമാനങ്ങൾ 
(60 x 60 അടി; ചിലതിന് 200 അടി നീളം) ഉണ്ടായിരുന്നെന്നും 
അവ ഭൂഖണ്ഡങ്ങൾക്കിടയിലും ഗ്രഹങ്ങൾക്കിടയിലും യാത്ര 
നടത്തിയിരുന്നെന്നും സമ്മേളനത്തിൽ അവകാശവാദങ്ങൾ ഉയർന്നു. 
അത് മാത്രമല്ല, ഇന്നുള്ളതിനേക്കാൾ മികച്ച റഡാർസിസ്റ്റം അക്കാല
ത്തുണ്ടായിരുന്നു എന്നും അത്  പ്രവർത്തിച്ചിരുന്നത്  എല്ലാ 
സചേതനവും അചേതനവുമായ വസ്തുക്കളും എല്ലായ്പ്പോഴും 
ഊർജ്ജം വമിച്ചു കൊണ്ടിരിക്കും എന്ന തത്വത്തിന്റെ അടിസ്ഥാന
ത്തിലാണെന്നും പ്രഖ്യാപിക്കപ്പെട്ടു.  പരസ്പരപ്രവേശനം 
(inter-penetration) എന്ന നിയമം മൂലം 21 ആം നൂറ്റാണ്ടിൽ 
സയൻസും ആത്മീയതയും തമ്മിൽ സംയോജിക്കും എന്നും അവർ 
കണ്ടെത്തി. കാര്യഗൌരവമുള്ള ഏതെങ്കിലും പണ്ഡിതൻ 
അർത്ഥശൂന്യമായ ഇങ്ങനെയൊരു നിയമത്തെപ്പറ്റി കേട്ടിട്ടുണ്ടാ
വുമെന്ന് ഞാൻ കരുതുന്നില്ല. സിമ്പോസിയത്തിൽ ഉയർത്തിക്കൊണ്ടു
വന്നിട്ടുള്ള  ഇതും ഇതുപോലുള്ള മറ്റു നിരർത്ഥക അവകാശവാദങ്ങളും 
പുരാതന-മധ്യകാല ഇന്ത്യയുടെ യഥാർത്ഥ ശാസ്ത്രനേട്ടങ്ങൾക്ക്  
അപമാനമാണ്.

ഈ അവകാശവാദങ്ങൾക്കെതിരെ നമ്മുടെ ശാസ്ത്രജ്ഞാരെന്നു 
വിളിക്കപ്പെടുന്നവരോ സയന്റിഫിക് അക്കാദമികളോ ഒരക്ഷരം 
മിണ്ടിക്കാണുന്നില്ല.  സിമ്പോസിയത്തിൽ എന്തൊക്കെ പറയാൻ 
സാധ്യതയുണ്ട് എന്ന് സയൻസ് കോണ്ഗ്രസ്സ് സംഘടിപ്പിച്ച 
സമുന്നതരായ ശാസ്ത്രജ്ഞന്മാർ തീർച്ചയായും അറിഞ്ഞിരുന്നു. 
ഒരുപക്ഷെ അവർ അതിലൊക്കെ വിശ്വസിക്കുന്നത് കൊണ്ടാവാം. 
അല്ലെങ്കിൽ രാഷ്ട്രീയ സമ്മർദ്ദം കൊണ്ടാവാം. ആയതുകൊണ്ട്, 
ഒന്നുകിൽ വാർഷിക ഇന്ത്യൻ സയൻസ് കോണ്ഗ്രസ്സ് നിർത്തലാക്കണം
അല്ലെങ്കിൽ അതിന്റെ പേര് ഇന്ത്യൻ ആന്റി-സയൻസ് കോണ്ഗ്രസ്സ് 
എന്നാക്കണം 

ഇന്ത്യൻ ശാസ്ത്ര മേഖലയ്ക്ക്  ഒരു നഷ്ടവും വരുത്താതെ തന്നെ സയൻസ് 
അക്കാദമികൾ അടച്ചു പൂട്ടാൻ കഴിയും. കഴിഞ്ഞ 85 വർഷങ്ങളായി 
സയന്സിന്റെ മേഖലയിൽ  ഇന്ത്യ ഒരൊറ്റ നോബൽ ജേതാവിനെ
പ്പോലും സൃഷ്ടിച്ചിട്ടില്ല. ശാസ്ത്രബോധം പ്രധാനപ്പെട്ട ഘടകമായ 
ശാസ്ത്രപരിസ്ഥിതി നമ്മുടെ രാജ്യത്ത് ഇല്ലാത്തതാണ്  ഇതിന്റെ 
വലിയൊരു കാരണം. 

Wednesday, May 8, 2013

തമിഴ് നാട്ടിൽ കക്കൂസ് നിർമ്മാണത്തിന് വിഘാതം, അന്ധവിശ്വാസം


ഇന്ത്യയിൽ കക്കൂസുകളെക്കാൾ കൂടുതൽ അമ്പലങ്ങളാണുള്ളത് എന്ന് 
മാസങ്ങൾക്ക് മുമ്പ് കേന്ദ്രഗ്രാമവികസനമന്ത്രി ജയറാം രമേഷ് 
പറഞ്ഞപ്പോൾ ഹിന്ദുത്വവാദികൾ അദ്ദേഹത്തിനു നേരെ ഉറഞ്ഞു 
തുള്ളിയത് നിങ്ങൾ ഓർക്കുന്നുണ്ടാവും. 06. 05.13 ലെ 'ദി ഹിന്ദു' 
പത്രത്തിലെ ഒരു വാർത്ത വായിച്ചപ്പോഴാണ് ആ സംഭവം ഓർമ്മ 
വന്നത്. തമിഴ് നാട്ടിലെ നാമക്കല്ലിൽ നിന്നാണ് ആ വാർത്ത.  
നാമക്കൽ ജില്ലയിലെ ഗ്രാമീണ ജനതയിൽ 59.6 ശതമാനവും 
മൊത്തം ജനസംഖ്യയുടെ 43.8 ശതമാനവും തുറന്ന പ്രദേശത്താണ്
മലവിസർജ്ജനം നടത്തുന്നത്. ഈ ദുരവസ്ഥക്ക് പരിഹാര
മുണ്ടാക്കാൻസർക്കാർ പദ്ധതികൾ ആവിഷ്കരിച്ചിട്ടുണ്ട്. പക്ഷെ 
കക്കൂസ് നിർമ്മാണത്തിന്  വിഘാതമായി നില്ക്കുകയാണത്രെ അന്ധ
വിശ്വാസങ്ങളും, മതാചാരങ്ങലും  വാസ്തു ശാസ്ത്രവും! പെരിയസാമി-
അരുണ ദമ്പതികൾ കക്കൂസിനായി കുഴിയെടുത്തു. പക്ഷെ താമസി
യാതെ തന്നെ അവർക്ക് ആ കുഴി കല്ലും മണ്ണുമൊക്കെയിട്ട് മൂടേണ്ടി 
വന്നു. ഒരു ജ്യോത്സ്യന്റെ ഉപദേശമാണത്രേ കാരണം. അവിടെ 
കുഴിയെടുക്കാൻ പാടില്ലെന്നും കുഴിയെടുത്താൽ അവരുടെ 5 
വയസ്സുള്ള മകന് ആപത്താണെന്നും ജ്യോത്സ്യൻ മുന്നറിയിപ്പ് 
നല്കിയിരുന്നു. ശിവശക്തി എന്ന മരപ്പണിക്കാരൻ 6000 രൂപ 
ചിലവാക്കി ഒരു ടോയ്ലെറ്റ്‌ പണിതു. പക്ഷെ അയാൾക്ക്‌ അത് 
പൊളിച്ചു മാറ്റി വാസ്തു വിദഗ്ദ്ധന്റെ നിർദ്ദേശങ്ങൾക്കനുസരിച്ച് 
മറ്റൊന്ന് പണിയേണ്ടി വന്നു. പണി തീർന്നപ്പോൾ ചെലവ് വന്നത് 
25000 രൂപ! അമ്പലങ്ങളിലെ ഉത്സവകാലത്ത് കക്കൂസ് പണി
യുന്നത് ദോഷമാണ് എന്ന വിശ്വാസവും ജനങ്ങൾക്കിടയിലുണ്ട്.

കിണറിൽ നിന്നും, കുഴൽക്കിണറിൽ നിന്നും 10 മീറ്റർ അകലത്തിലാ 

വണം കക്കൂസിന്റെ കുഴി എന്ന് ആരോഗ്യപ്രവർത്തകർ നിർദ്ദേശിക്കു
മ്പോൾ വാസ്തുവിദഗ്ദ്ധൻ 'സ്ഥാനം നിർണ്ണയിച്ചു' കൊടുക്കുന്നത് 
കിണറിന്റെ അടുത്താവും. ജനങ്ങളുടെ ഇത്തരം അന്ധവിശ്വാസ
ങ്ങൾ കാരണം, തുറന്ന പ്രദേശത്തുള്ള മലവിസർജ്ജനം 
നിരുൽസാഹപ്പെടുത്താനും, കക്കൂസുകൾ പ്രോത്സാഹിപ്പിക്കു
വാനുമുള്ള സർക്കാർ ശ്രമങ്ങൾ പരാജയപ്പെടുകയാണെന്ന് 

വാർത്തയിൽ പറയുന്നു. വാസ്തു നോക്കിയും മറ്റും കക്കൂസ് 
നിർമ്മിക്കുന്നത് മൂലമുണ്ടാവുന്ന അധികച്ചിലവ് കാണുന്ന സാധാരണ
ക്കാർ കക്കൂസ് നിർമ്മാണത്തിൽ നിന്ന് വിട്ടു നില്ക്കുകയാണത്രെ! മതാ
ഘോഷങ്ങൾക്ക് ഒരു വർഷം 6000 വും 8000 വും രൂപ 
ചിലവാക്കാൻ ഒരു മടിയുമില്ലാത്ത ഗ്രാമീണർ അത്രയും തുക മാത്രം 
ചെലവ് വരുന്ന കക്കൂസ് നിർമ്മിക്കാൻ വിമുഖരാണ് എന്ന് 
വായിക്കുമ്പോൾ ജയറാം രമേഷ് പറഞ്ഞത് എത്ര വാസ്തവമാണ് 
എന്ന് നമുക്ക് ബോധ്യപ്പെടും.  തമിഴ് 

സിനിമാ നടൻ മധുവിന് 2013 ജൂണ്‍ വരെയേ ആയുസ്സുള്ളൂ എന്ന് ജാതകപ്രവചനം.



"ജ്യോതിഷം തെറ്റിയാൽ അടുത്ത വർഷം കാണാം. നാല് ജാതകപ്രകാരവും 
2013 ജൂണ്‍ വരെയേ എനിക്ക് ആയുസ്സുള്ളൂ. ജ്യോതിഷം തെറ്റിയാൽ 
അടുത്ത തവണ എന്നെ വാർഷികസമ്മേളനത്തിന് വിളിക്കണം" 
കേരള ജ്യോതിഷ പരിഷത്തിന്റെ 4 ആം വാർഷിക സമ്മേളനം 
തൃശ്ശൂരിൽ ഉദ്ഘാടനം ചെയ്തുകൊണ്ട് നടൻ മധു പറഞ്ഞതാണ് ഇത്. 
ഈ സമ്മേളനത്തിന് ക്ഷണിക്കപ്പെട്ട ഐ. ജി. എസ് . ഗോപിനാഥൻ 
വരാതിരുന്നതിനെ പരാമർശിച്ചു മധു ചോദിച്ചു: "ചടങ്ങിനെത്താൻ 
കഴിയുന്നവരാണോ എന്ന് കവടി നിരത്തി നോക്കിയിട്ട് വരുമെന്ന് 
ഉറപ്പുള്ളവരെ മാത്രം ക്ഷണിക്കാൻ പാടില്ലായിരുന്നോ?" 
(മാതൃഭൂമി: 4.05.13)

മധുവിന്റെ വാക്കുകൾ ശ്രദ്ധിക്കുന്ന ഏതൊരാൾക്കും അദ്ദേഹം 
ജ്യോത്സ്യന്മാരെ കളിയാക്കുകയാണോ എന്ന് തോന്നിപ്പോകും.  
ജ്യോതിഷത്തിൽ വിശ്വസിക്കാത്ത ഒരാളെ സംഘാടകർ 
ഉദ്ഘാടനത്തിന് ക്ഷണിക്കുമോ?ഒരു പക്ഷെ സിനിമാ നടൻ 
വന്നാൽ  ആള് കൂടും എന്ന് കരുതിയിട്ടാവും.

ജാതകപ്രകാരം മധുവിന് ഇനി ഒരു മാസം കൂടിയേ ആയുസ്സുള്ളൂ. 

ഒരു ജാതകമല്ല ഇത് പറഞ്ഞത്. നാല് ജാതകങ്ങളും ഒരേ 
പോലെയാണ് പ്രവചിച്ചിരിക്കുന്നത്. മധുവിന്റെ നമുക്കറിയാവുന്ന 
ആരോഗ്യസ്ഥിതി വെച്ച്എന്റെ അഭിപ്രായത്തിൽ ഇന്നത്തെ നിലക്ക് 
മധു ഒരു മാസമല്ല ഒരു വർഷവുമല്ല ജീവിച്ചിരിക്കുക. ഇത് 
എനിക്കെങ്ങനെനോക്കിയാൽ അദ്ദേഹം ഒരു മാസമല്ല ഒരു 
വർഷവുമല്ല ജീവിച്ചിരിക്കുക. എന്റെ അഭിപ്രായത്തിൽ ജ്യോതിഷ 
പ്രവചനം തെറ്റിപ്പോവാനാണ് സാധ്യത. എത്രയെത്ര ജ്യോതിഷ 
പ്രവചനങ്ങൾ പൊളിഞ്ഞു പാളീസായിട്ടുണ്ട്. എന്നിട്ടും 
ജ്യോതിഷികൾക്ക് ഉപഭോക്താക്കളെ കുറഞ്ഞിട്ടുണ്ടോ? ഇല്ലല്ലോ?
 ഇതും പൊളിയും. പൊളിഞ്ഞ കാര്യം ഒരു പത്രവും റിപ്പോർട്ട് 
ചെയ്യുകയില്ല. വിശ്വാസികൾ അറിഞ്ഞ ഭാവം നടിക്കുകയുമില്ല. 
വിശ്വാസികളുടെ വിവരക്കേട് കണ്ടു ഉള്ളാലെ ചിരിക്കുകയാണ് 
എന്ന് എത്ര വിശ്വാസികൾക്കറിയാം? സാമാന്യ ബുദ്ധിയും 
യുക്തിബോധവും ഇല്ലാത്ത ആളുകൾ ഉള്ളിടത്തോളം കാലം 
കവടിക്കാരുടെ വീട്ടിനു മുമ്പിൽ ക്യൂ നീണ്ടു തന്നെ കിടക്കും!

Wednesday, February 20, 2013

സ്ത്രീകളെ നോക്കുന്നത് തെറ്റോ?

          ലൈംഗികപീഡനങ്ങളെക്കുറിച്ചുള്ള ചര്‍ച്ച എത്തിച്ചേരുന്നത് 
പുരുഷന്‍ സ്ത്രീ സൌന്ദര്യം ആസ്വദിക്കുന്നത് ഒരു ഹീന കൃത്യമാണ് 
എന്ന ധാരണയിലേയ്ക്കാണ് എന്ന് തോന്നുന്നു. ഇത്തരത്തിലുള്ള 
ചിന്തയിലേക്ക് നയിക്കുന്നതില്‍ മത-യാഥാസ്ഥിതികര്‍ക്കുള്ള 
പങ്കും ചെറുതല്ല.

          വര്‍ദ്ധിച്ചുകൊണ്ടിരിക്കുക എന്നത്  ജീവിവര്‍ഗ്ഗങ്ങളുടെ പ്രകൃത്യാ
സ്വഭാവമാണ്. വംശവര്‍ദ്ധനവുണ്ടാകണമെങ്കില്‍ ലൈംഗിക
ബന്ധത്തിലേര്‍പ്പെടണം. (ടെസ്റ്റ്‌ ട്യൂബ്, ക്ലോണിംഗ് എന്നതൊക്കെ 
ഓര്‍ക്കാതെയല്ല  ഇപ്പറഞ്ഞത്‌)   സ്ത്രീവര്‍ഗ്ഗവും പുരുഷവര്‍ഗ്ഗവും 
തമ്മിലുള്ള ലൈംഗിക ആകര്‍ഷണം ജൈവികപ്രതിഭാസ
മായത് അതുകൊണ്ടാണ്. വിവാഹം തുടങ്ങിയ കുടുംബരൂപീകരണ
വ്യവസ്ഥകള്‍ ആവിര്‍ഭവിക്കുന്നതിനു മുമ്പ് ഇണചേരുന്നതിനു ഒരു 
തരത്തിലുള്ള രക്തബന്ധവും തടസ്സമായിരുന്നില്ല എന്ന് 
നമുക്കറിയാം. അതായിരുന്നു അന്നത്തെ സംസ്കാരം. അന്നത്തെ ശരി.  
എന്നാല്‍, സാമൂഹികവളര്‍ച്ചയില്‍ ആ സംസ്കാരം നിഷ്കാസിതമാവുകയും 
പകരം കൂടുതല്‍ സ്വീകാര്യമായ മറ്റൊന്ന്  വരുകയും ചെയ്തു. അതും 
ശാശ്വതമായിരുന്നില്ല.  കൂട്ടുകുടുംബങ്ങള്‍ തകര്‍ന്നു; പകരം അണു
കുടുംബങ്ങള്‍ വന്നു. ഇന്നത്തെ രീതിയിലുള്ള കുടുംബവ്യവസ്ഥകള്‍  
തന്നെ എക്കാലത്തും നിലനില്‍ക്കും എന്നത് മൂഡവിശ്വാസമാണ്. 
ശാസ്ത്ര-സാങ്കേതികരംഗത്തുണ്ടാവുന്ന പുരോഗതി സാമൂഹിക-
സാംസ്കാരിക മേഖലയിലും പ്രതിഫലിക്കും. സംസ്കാരത്തിന്റെ 
നിര്‍വ്വചനങ്ങള്‍ക്ക്  മാറ്റം വരും. മതങ്ങളുടെ കാഴ്ചപ്പാടുകള്‍ കാല
ഹരണപ്പെട്ടതു പോലെ സാംസ്കാരികവ്യവസ്ഥക്കും കാലഹരണം 
സംഭവിക്കും. അത് അനിവാര്യമാണ്. മാറ്റത്തെ പ്രതിരോധിക്കാമെന്ന 
ചിന്ത അശാസ്ത്രീയമാണ്.

         ജീവിവര്‍ഗ്ഗത്തിന്റെ വര്‍ധനവിനു നിദാനമായ ലൈംഗികാകര്‍ഷണം 
ജീവസ്വഭാവമായതു കൊണ്ടാണ് ഒരു പുരുഷന്‍ മറ്റൊരു സ്ത്രീയെ 
കാണുമ്പോള്‍ ലൈംഗികമനോഭാവത്തോടു കൂടി അവളെ 
വീക്ഷിക്കുന്നത്. അത് സ്വാഭാവികമാണ്; അതില്‍ തെറ്റ് പറഞ്ഞു കൂടാ. 
പക്ഷെ, ആ തൃഷ്ണ അതിര് കടക്കാതെ സൂക്ഷിക്കുന്നത് ആധുനിക 
പരിഷ്കൃത സമൂഹത്തിന്റെ ലിഖിതവും അലിഖിതവുമായ നിയമങ്ങളാണ്. 
സമൂഹത്തിന്റെ സുസ്ഥിരതയ്ക്ക് അതാവശ്യമാണ് താനും. ഒരു കാലത്ത്  
കാമാര്‍ത്തനായ പുരുഷന്റെ ഇംഗിതത്തിനു വഴങ്ങുക മാത്രമായിരുന്നു 
സ്ത്രീകള്‍ക്ക് കരണീയമായിരുന്നത്. ഇപ്പോഴും പല സമൂഹങ്ങളിലും 
അത് തന്നെയാണ് സ്ഥിതി. കാളിന്ദി കടക്കുമ്പോള്‍ കാമപരവശനായ 
പരാശരന്  സത്യവതി സ്വശരീരം സമര്‍പ്പിച്ചത് സ്വേച്ഷ പ്രകാര
മായിരുന്നോ?  ജന്തുസഹജമായ ലൈംഗികാഭിനിവേശം മറികടന്നു 
തന്റെ ഇംഗിതപൂരണത്തിനു വേണ്ടി മറ്റൊരാളെ  (സ്വാഭാവികമായും 
സ്ത്രീയെ) ആക്രമിക്കുന്നതും അവളില്‍  ബലം പ്രയോഗിക്കുന്നതും 
ഏതൊരു  ശാരീരികാക്രമണവും പോലെ ശിക്ഷാര്‍ഹമായ  
കുറ്റകൃത്യമാണ്. ചാരിത്ര്യം എന്ന പുരുഷനിര്‍മ്മിതസങ്കല്പം ബാധകമാവുന്ന 
അവസ്ഥയില്‍  ലൈംഗികമായ ഇരവല്‍ക്കരണം സ്ത്രീയെ മൃതതുല്ല്യജീവിത
ത്തിലേക്ക് തള്ളിയിടുന്നതുകൊണ്ട് ശിക്ഷയുടെ കാഠിന്യം വര്‍ദ്ധിപ്പിക്കുന്ന
തില്‍ ന്യായമുണ്ട്. എന്നാല്‍, പരസ്പരസമ്മതത്തോടുകൂടിയുള്ള ലൈംഗിക
ബന്ധം തെറ്റല്ല എന്ന ബോധ്യത്തിലേയ്ക്കുയരാന്‍  തക്കവണ്ണം പലരുടെയും 
മനസ്സ് ആധുനികവല്‍ക്കരിക്കപ്പെടേണ്ട തുണ്ട് എന്ന് കൂടി പറയാതെ വയ്യ. 

                                 *****************************

Monday, February 4, 2013

ബലാത്സംഗം - വധശിക്ഷ പരിഹാരമല്ല


     രണ്ടായിരത്തി പന്ത്രണ്ടു ഡിസംബര്‍ 16നു ഡല്‍ഹിയില്‍ നടന്ന കൂട്ട ബലാത്സംഗം  
സ്ത്രീകളുടെ സാമൂഹികാവസ്ഥയെക്കുറിച്ച് ഗൌരവപൂര്‍ണ്ണമായ ചര്‍ച്ചകള്‍ക്ക് വഴിയൊരുക്കുക
യുണ്ടായി. വര്‍ത്തമാനകാല  ഇന്ത്യയുടെ മനസ്സാക്ഷിയെ ഞെട്ടിച്ചതും, തലസ്ഥാനനഗരത്തെ
 പ്രക്ഷോഭങ്ങളുടെ വേലിയേറ്റത്താല്‍  പ്രകമ്പനം കൊള്ളിച്ചതുമായ ഈ സംഭവത്തിന്റെ 
ഒരു ഗുണാത്മകവശം ഈ ചര്‍ച്ചയാണ്. 
       സ്ത്രീകള്‍ക്കെതിരെയുള്ള അതിക്രമങ്ങള്‍, പ്രത്യേകിച്ചു ബലാത്സംഗങ്ങള്‍ വര്‍ദ്ധിച്ചുവരിക
യാണോ, ഉണ്ടെങ്കില്‍ അതിന്റെ കാരണമെന്ത്, അതിനു പരിഹാരമാര്‍ഗ്ഗമെന്ത്  തുടങ്ങിയ 
വിഷയങ്ങളില്‍ വിവിധവ്യക്തികളും, സംഘടനകുളും അഭിപ്രായങ്ങള്‍ പ്രകടിപ്പിക്കുകയുണ്ടായി.
 സ്ത്രീകള്‍ക്കെതിരെയുള്ള ലൈംഗികാതിക്രമങ്ങള്‍ തടയുന്നതിനുള്ള ബില്ലില്‍ ഭേദഗതി നിര്‍ദ്ദേശി
ക്കുന്നതിനായി നിയമിക്കപ്പെട്ട ജസ്റ്റീസ്  ജെ.എസ് വര്‍മ്മ കമ്മിറ്റിയുടെ മുമ്പാകെ പലവിധ 
നിര്‍ദ്ദേശങ്ങള്‍ സമര്‍പ്പിക്കപ്പെടുകയുണ്ടായി. ബലാല്‍സംഗത്തിന് വധശിക്ഷ വേണം, 
വധശിക്ഷ വേണ്ട, കുറ്റവാളിയെ ഷണ്ഡീകരിക്കണം,  നിയമം കര്‍ശനമാക്കിയാല്‍ മതി, 
ആയുഷ്കാല തടവ്‌ ശിക്ഷ വേണം, ശിക്ഷാനടപടികള്‍ ത്വരിതപ്പെടുത്തണം തുടങ്ങിയ 
നിര്‍ദ്ദേശങ്ങള്‍ സമര്‍പ്പിക്കപ്പെട്ടു.  

  
ബലാത്സംഗത്തിന്റെ കാരണങ്ങള്‍   

       ബലാത്സംഗങ്ങളുടെ അടിസ്ഥാനപരമായ കാരണം പുരുഷാധിപത്യ സാമൂഹികവ്യവസ്ഥ 
തന്നെയാണ്. ചെറുപ്പത്തിലേ തന്നെ വീട്ടില്‍ മുന്തിയ പരിഗണന നല്‍കിക്കൊണ്ടാണ് 
ആണ്‍കുട്ടികളെ വളര്‍ത്തുന്നത്. ഇന്ത്യന്‍ സംസ്കാരത്തില്‍ പുത്രനുള്ള സ്ഥാനം വലിയതാണ്. 
പുത്രന്‍ എന്ന വാക്കിന്റെ  അര്‍ത്ഥം  തന്നെ 'പും എന്ന നരകത്തില്‍ നിന്ന് പിതാവിനെ 
ത്രാണനം (രക്ഷിക്കുന്നവന്‍) ചെയ്യുന്നവന്‍' എന്നാണു.  എല്ലാ മതങ്ങളുടെ ആശയങ്ങളിലും 
പുരുഷാധിപത്യം  തന്നെയാണ് പ്രതിഫലിക്കുന്നത്. ഹിന്ദുമതത്തിന്റെ നിയമഗ്രന്ഥം എന്ന് 
വിശേഷിപ്പിക്കപ്പെടുന്ന മനുസ്മൃതി എന്ത് പറയുന്നു  എന്ന് എല്ലാവര്‍ക്കുമറിയാം. 
    
                       പിതാ രക്ഷതി കൌമാരേ 
                       ഭര്‍ത്താ രക്ഷതി യൗവ്വനേ   
                       പുത്രോ രക്ഷതി വാര്ധക്യേ 
                       ന:സ്ത്രീ സ്വാതന്ത്ര്യമര്‍ഹതി 

സ്ത്രീയെ പുരുഷന്‍ എക്കാലത്തും സംരക്ഷിക്കും, അവള്‍ അവന്റെ  ആശ്രയത്തിലായിരിക്കും 
എന്നാണല്ലോ  ഇതിന്റെ അര്‍ത്ഥം. 'സ്ത്രീ നിന്റെ കൃഷി സ്ഥലമാണ് നിനക്കവിടെ ഇഷ്ടം 
പോലെ വിളവിറക്കാം. ഒരു പുരുഷന്‍ സാക്ഷി പറയുന്നിടത്ത് രണ്ടു സ്ത്രീകള്‍ സാക്ഷി 
പറയണം' തുടങ്ങിയവയാണ് ഇസ്ലാമിലെ നിയമങ്ങള്‍. പുരുഷന്റെ ഏകാന്തത മാറ്റാന്‍ 
വേണ്ടി അവന്റെ വാരിയെല്ലില്‍ നിന്നും  ദൈവം സ്ത്രീയെ സൃഷ്ടിച്ചു എന്ന ബൈബിള്‍ 
കഥയുടെ പൊരുള്‍  സ്ത്രീക്ക് സ്വന്തമായി  അസ്തിത്വമില്ല എന്നു തന്നെയാണ്.  മതാത്മക
മായത് കൊണ്ട് സ്ത്രീകള്‍ പോലും പുരുഷാധിപത്യവ്യവസ്ഥയുടെ വക്താക്കളായി മാറുകയും 
അതിനനുസരിച്ചു കുട്ടികളെ വളര്‍ത്തുകയും ചെയ്യുന്നു. "അവന്‍ എത്രയായാലും ഒരാണല്ലേ?" 
എന്ന് ചോദിക്കുന്നത് സ്ത്രീകള്‍ തന്നെയാണ്. 'പെണ്ണുങ്ങളായാല്‍ അടങ്ങി ഒതുങ്ങി ജീവിക്കണം' 
എന്ന് അമ്മയാണ് മകളെ ഉപദേശിക്കുന്നത് 

      ആധുനിക ഇന്ത്യയിലും മതാത്മകകാഴ്ചപ്പാടില്‍ നിന്നും സമൂഹം മുന്നോട്ടു പോയിട്ടില്ല. 
ആണ്‍മേല്‍ക്കോയ്മ സ്ഥാപിച്ചെടുക്കാനുള്ള അബോധശ്രമം ലൈംഗിക അതിക്രമങ്ങളില്‍
 എത്തിച്ചേരുന്നു എന്നാണു സാമൂഹിക മനശ്ശാസ്ത്രജ്ഞന്മാര്‍ പറയുന്നത്.

       ബലാല്‍സംഗബോധം ഉള്‍ച്ചേര്‍ന്ന ഇന്ത്യന്‍ ബഹുജനസംസ്കാരം സ്ത്രീവിരോധം 
നിറഞ്ഞതാണ്. പുത്രാരാധക ഇന്ത്യന്‍ സമൂഹം സ്ത്രീയെ കീഴടക്കുന്നത് (ഏതു കാര്യത്തി
ലായാലും) അനുവദനീയ കൃത്യമായിട്ടാണ്  കരുതുന്നത്. ഈ ചിന്തയുടെ വേരുകള്‍, 
സ്ത്രീജിതന്മാരായ ഇന്ദ്രന്റെയും, ശിവന്റെയും കഥകളിലൂടെ, പുരാണങ്ങളിലും ഇതിഹാസ
ങ്ങളിലും ചെന്നെത്തി നില്‍ക്കുന്നു. ആഗ്രഹിച്ച പെണ്ണിനെ കീഴടക്കാനുള്ള നായകസാഹസ
ങ്ങളാണല്ലോ പല സിനിമകളുടെയും ഇതിവൃത്തം.
      
       ലൈംഗികാഭിനിവേശപൂര്‍ത്തീകരണം എന്നതിനേക്കാള്‍ പുരുഷാധിപത്യപ്രകടന
മാണ് ബലാല്‍സംഗം എന്നാണു സാമൂഹികചിന്തകന്മാര്‍  അഭിപ്രായപ്പെടുന്നത്. 
ലൈംഗികകുറ്റവാളികളില്‍  നടത്തിയ പഠനം അവരില്‍ ഭൂരിപക്ഷവും അമിതലൈംഗികാ
സക്തിയുള്ളവരല്ല  എന്നാണു കാണിക്കുന്നത്. സ്ത്രീവിരോധം (misogyny) അവരുടെ ശരീരം 
ആക്രമിക്കാനുള്ള, വിശേഷിച്ചു ജനനേന്ദ്രിയത്തില്‍ പരുക്കേല്‍പ്പിക്കാനുള്ള, പ്രവണത  
ചിലരില്‍ സൃഷ്ടിക്കുന്നുണ്ടത്രെ. 

        ലോകമൊട്ടാകെ പല യുവാക്കളും കരുതുന്നത്  സ്പോട്സ്, മദ്യപാനം, അടിപിടി 
എന്നിവയെപ്പോലെ ബലാല്‍സംഗവും ഒരു പുരുഷവീരപരാക്രമമായിട്ടാണ്. അടിച്ചമര്‍ത്ത
പ്പെടുന്ന ലൈംഗികവികാരമാണ് മറ്റൊരു കാരണമായി പറയപ്പെടുന്നത്‌. തങ്ങള്‍ക്കു 
ആസ്വദിക്കാന്‍ കഴിയാതെ പോകുന്ന ലൈംഗികത മറ്റു ചിലര്‍ അനുഭവിക്കുന്നത് 
കാണുമ്പോഴുള്ള പക ബലാത്സംഗത്തിനു പ്രേരണയാകുമത്രെ!  

       ആഗോളവല്‍ക്കരണ-ഉദാരവല്‍ക്കരണ നയങ്ങള്‍  സംസ്കാരത്തില്‍ മാറ്റം വരുത്തി.  
പൊതു ഇടങ്ങള്‍ കുറയുകയും, രാഷ്ട്രീയബോധം ഇല്ലാതാവുകയും ചെയ്തു. സാമൂഹിക 
ബന്ധങ്ങളില്‍ കുറവുണ്ടാവുകയും വ്യക്തികളില്‍ ഒറ്റപ്പെടലിന്റെ അസ്വസ്ഥതകള്‍ 
ഉടലെടുക്കുകയും അത്  കുറ്റകൃത്യങ്ങള്‍ക്ക് ആക്കം കൂട്ടുകയും ചെയ്യുന്നു എന്ന്  നാഷണല്‍ 
ക്രൈം റെക്കോഡ്സ് ബ്യൂറോയുടെ കണക്കുകള്‍ ചൂണ്ടിക്കാണിക്കുന്നു.നഗരങ്ങളിലെ മധ്യവര്‍ഗ്ഗ
പുരുഷന്മാര്‍ക്ക് തൊഴില്‍പരമായ കാരണങ്ങളാലും മറ്റും തങ്ങളുടെ അധികാരം നഷ്ടപ്പെട്ടു 
എന്ന തോന്നലുണ്ടാവുകയും അതിനു കാരണക്കാരായ സ്ത്രീവര്‍ഗ്ഗത്തോട് പകയുണ്ടാവുകയും 
ബലാത്സംഗത്തിലൂടെ അധികാരപ്രയോഗത്തിന്റെ  നിര്‍വൃതി ആസ്വദിക്കുകയും ചെയ്യുന്നു.

        സവര്‍ണ്ണ ജന്മിത്വവ്യവസ്ഥ നിലനില്‍ക്കുന്ന ഗ്രാമങ്ങളിലെ ബലാല്‍സംഗത്തിന്റെ 
കാരണങ്ങള്‍ ഇതില്‍ നിന്നും വ്യത്യസ്തമാണെന്ന് പറയാം. ജന്മിത്വത്തിന്റെ സ്വാഭാവിക  
ഘടകമായ പുരുഷാധിപത്യം പിന്നോക്കഗ്രാമങ്ങളില്‍ ഒരു  സംസ്കാരമായി വേരുറച്ചു 
നില്‍ക്കുകയാണ്. ദളിത് സ്ത്രീകളെ കൂട്ടബലാത്സംഗം ചെയ്യുന്നത് ഒരു കുറ്റമോ തെറ്റോ 
ആയി ജന്മിമാര്‍ കണക്കാക്കുന്നില്ലെന്നു മാത്രമല്ല അത് തങ്ങളുടെ അവകാശമായി 
കരുതുകയും ചെയ്യുന്നു.  ഭൂവുടമയുടെ ഇംഗിതത്തിനു കീഴ്പ്പെടുന്ന നിസ്സഹായരായ  ദളിത്‌ 
സ്ത്രീകള്‍  ഇത് തങ്ങളുടെ വിധിയാണെന്ന് ആശ്വസിക്കുന്നു.
അവരുടെ പരാതികള്‍ പോലീസ് കണ്ടില്ലെന്നു നടിക്കുകയോ അവരെ ഭീഷണിപ്പെടുത്തി 
പിന്‍വലിപ്പിക്കുകയോ ചെയ്യുന്നു. 

         വധശിക്ഷ പോലുള്ള കഠിന ശിക്ഷകള്‍ ഇല്ലാത്തതാണ് ബലാത്സംഗങ്ങള്‍ വര്‍ദ്ധിച്ചു 
വരാന്‍ കാരണമെന്നു പറയുന്നവരുണ്ട്.തമിഴ്നാട് മുഖ്യമന്ത്രി ജയലളിത, കേന്ദ്ര വനിതാ-ശിശു
വികസന മന്ത്രി കൃഷ്ണാ തിരാത്ത്, സുഷമാ സ്വരാജ്, ഗിരിജാ വ്യാസ്, ബി.ജെ.പി, ഡി.എം.കെ., എ.ഐ.എ.ഡി.എം.കെ. എന്നീ പാര്‍ട്ടികളുടെ എം.പി. മാര്‍ എന്നിവര്‍ ബലാത്സംഗത്തിനു 
വധശിക്ഷ ആവശ്യപ്പെടുന്നു. ദല്‍ഹി പ്രക്ഷോഭകരില്‍  നിന്നും ആദ്യം ഉയര്‍ന്ന ആവശ്യവും 
പ്രതികളെ തൂക്കിലേറ്റണമെന്നായിരുന്നു.

        പ്രതീക്ഷിച്ചതുപോലെ മതരാഷ്ട്രീയത്തിന്റെ വക്താക്കള്‍ കുറ്റം കണ്ടെത്തിയത് സ്ത്രീകളിലാണ്. 
സ്ത്രീകള്‍ ലക്ഷ്മണരേഖ മുറിച്ചു കടക്കുന്നതാണ് ലൈംഗികപീഡനത്തിനു കാരണമെന്നാണ് 
മദ്ധ്യപ്രദേശിലെ ബി.ജെ.പി. മന്ത്രി കൈലാഷ് വിജയ്‌ വര്‍ഗ്ഗിയ പറഞ്ഞത്. ആര്‍.എസ്.എസ്.
തലവന്‍ മോഹന്‍ ഭാഗവത് പറഞ്ഞത് ഭാരതഗ്രാമങ്ങളില്‍ ബലാത്സംഗം നടക്കുന്നില്ല, ഇന്ത്യന്‍ 
നഗരങ്ങളിലാണ് നടക്കുന്നത് എന്നാണു. തീരെ യാഥാര്‍ത്യബോധമില്ലാത്ത ഒരു പ്രസ്താവന
യായിരുന്നു അത്. ബലാത്സംഗം അധികവും നടക്കുന്നത് ഗ്രാമങ്ങളിലാണ്; ഇരകളാവട്ടെ 
ദളിതരും പട്ടികവര്‍ഗ്ഗക്കാരും. പെണ്‍കുട്ടികളും ആണ്‍കുട്ടികളും ഇടപഴകുന്നതും, കാമജനക
മായ വസ്ത്രധാരണവുമാണ് ലൈംഗികാതിക്രമങ്ങള്‍ക്ക്  പ്രേരകമാവുന്നത് എന്നാണു ജമാ 
അത്തെ ഇസ്ലാമിയുടെ കണ്ടെത്തല്‍.  

       കുറ്റവാളികളെ പഴിക്കാതെ, പെണ്‍കുട്ടിയെ കുറ്റപ്പെടുത്താന്‍ ശ്രമിച്ച മറ്റൊരാള്‍ കപട
സ്വാമിയായ ആശാറാം ബാപ്പുവാണ്.ആള്‍ദൈവമാണത്രേ ഇയാള്‍! രാജസ്ഥാനില്‍ ഒരു  
പൊതുപരിപാടിയില്‍ ഈ വിദ്വാന്‍ പറഞ്ഞത് പെണ്‍കുട്ടി കൈകൂപ്പി സരസ്വതീ മന്ത്രം 
ചൊല്ലി ഗുരുദീക്ഷ എടുത്തിരുന്നെങ്കില്‍ കുറ്റവാളികള്‍ പിന്‍വാങ്ങുമായിരുന്നു എന്നാണ്. 
"ദൈവത്തെ ഓര്‍ത്ത്‌ എന്നെ ഒന്നും ചെയ്യരുത്. നിങ്ങള്‍ എന്റെ സഹോദരന്മാരാണ്" എന്ന് 
പറഞ്ഞിരുന്നെങ്കില്‍ കുറ്റവാളികള്‍ പിന്തിരിയുമായിരുന്നു എന്നാണു ഈ വിഡ്ഢി പറഞ്ഞത്.
 അയാള്‍ക്ക്‌  കയ്യടിക്കാനും കാണും ചില വങ്കന്മാര്‍
   
        മുകളില്‍ വിശദീകരിച്ചതില്‍ നിന്നും ബലാത്സംഗത്തിനു പ്രേരകമാവുന്നത്, വര്‍ഗ്ഗപരമായ, 
മനശ്ശാസ്ത്രപരമായ, ലിംഗാധിപത്യപരമായ, സാമൂഹികമായ വ്യത്യസ്ത കാരണങ്ങളും സാഹ
ചര്യങ്ങളുമാണെന്ന് കാണാന്‍ കഴിയും. ചുരുക്കത്തില്‍ പുരുഷാധിപത്യ ബോധവും വികല
ലൈംഗികപ്രേരണയുമാണ്‌ ബലാത്സംഗകുറ്റത്തിന്റെ മൂലകാരണമെന്നു വിലയിരുത്താം.

        വധശിക്ഷ ബലാത്സംഗത്തിനു പരിഹാരമാണോ?

       നേരത്തെ പറഞ്ഞത് പോലെ വ്യക്തികളും സംഘടനകളും രാഷ്ട്രീയപ്രസ്ഥാനങ്ങളും 
ബലാത്സംഗം ഇല്ലാതാക്കുന്നതിന് വധശിക്ഷ, ഷണ്ഡീകരണം എന്നിവ  മുതല്‍  കര്‍ശന 
നിയമങ്ങള്‍ വരെ നിര്‍ദ്ദേശങ്ങളായി ജ: വര്‍മ്മ കമ്മീഷന്‍ മുമ്പാകെ സമര്‍പ്പിച്ചിട്ടുണ്ട്.
      . 
       ബലാത്സംഗത്തിന്റെ അടിസ്ഥാന കാരണം പുരുഷാധിപത്യവ്യവസ്ഥ തന്നെയാണ്. 
അതോടൊപ്പം മുന്‍പറഞ്ഞ നിരവധി ഘടകങ്ങളുമുണ്ട്. അവയില്‍ മാറ്റം വരാതെ സ്ത്രീപീഡനം 
അവസാനിക്കുകയില്ല. ശിക്ഷനല്‍കിയത് കൊണ്ട് മാത്രം കുറ്റങ്ങള്‍ ഇല്ലാതാവുകയുമില്ല.
കുറ്റങ്ങള്‍ ഉണ്ടാവാന്‍ കാരണമായ സാഹചര്യങ്ങള്‍ ഇല്ലാതാക്കുകയാണ് വേണ്ടത്. 
വധശിക്ഷ ഉള്ളത് കൊണ്ട് കുറ്റകൃത്യങ്ങള്‍ കുറഞ്ഞു എന്നതിന് തെളിവുകള്‍ ഒന്നും 
തന്നെയില്ല. ഒരു കുറ്റത്തിന് പ്രതികാരമായി സര്‍ക്കാര്‍ നടത്തുന്ന കൊലപാതകം 
എന്നതായിരിക്കും വധശിക്ഷയുടെ വ്യാഖ്യാനം. 

       വധശിക്ഷ ഏര്‍പ്പെടുത്തിയാല്‍ ശിക്ഷാവിധികളുടെ എണ്ണം കുറയുമെന്ന് നിയമ 
വിദഗ്ധര്‍ പറയുന്നു. ലോകമൊട്ടാകെ വധശിക്ഷ നിര്‍ത്തലാക്കുന്നതിനെക്കുറിച്ച് ചര്‍ച്ച 
ചെയ്യുമ്പോള്‍ വധശിക്ഷ വിധിക്കാന്‍ ജഡ്ജിമാര്‍ മടിക്കും.

        പ്രതികള്‍ ഭൂരിപക്ഷവും അച്ഛന്‍ തുടങ്ങിയ അടുത്ത ബന്ധുക്കളും സഹപ്രവര്‍ത്തകരും, 
അയല്‍ക്കാരും, പരിചയക്കാരും ആണെന്നിരിക്കെ ഇവരൊക്കെ  വധശിക്ഷക്ക് 
വിധേയരാകുമ്പോഴുള്ള സാമൂഹിക പ്രത്യാഘാതം എന്തായിരിക്കും എന്ന ചൊദ്യവുമുണ്ട് 

         ഇന്ന് നിലവിലുള്ള ശിക്ഷകള്‍  തന്നെ ശരിയായ വിധത്തില്‍ നടപ്പാക്കിയാല്‍ 
ശിക്ഷയുടെ ലക്ഷ്യമായ പേടിപ്പെടുത്തല്‍ (deterrence) ഫലവത്താകും.കുറ്റം ചെയ്‌താല്‍ 
ശിക്ഷ ലഭിക്കില്ല എന്ന അവസ്ഥയുള്ളതുകൊണ്ടാണ് ലൈംഗിക കുറ്റകൃത്യങ്ങള്‍ വര്‍ദ്ധിച്ചു
കൊണ്ടിരിക്കുന്നത്. എല്ലാ കേസുകളിലും വിചാരണ വേഗത്തിലാവുകയും മാസങ്ങള്‍ക്കകം 
ശിക്ഷ വിധിക്കപ്പെടുകയും ചെയ്‌താല്‍ നിലവിലുള്ള തടവ്‌ശിക്ഷ തന്നെ ബലാത്സംഗം 
തടയാന്‍ പര്യാപ്തമാണ്. 

        ജ: വര്‍മ്മ കമ്മീഷന് മുമ്പാകെ നിര്‍ദ്ദേശങ്ങള്‍ സമര്‍പ്പിച്ച ഭൂരിപക്ഷം രാഷ്ട്രീയ 
പാര്‍ട്ടികളും, വനിതാ സംഘടനകളും വധശിക്ഷ വേണ്ടെന്നാണ് അഭിപ്രായപ്പെട്ടിട്ടുള്ളത് 
പകരം അതിവേഗകോടതിയിലൂടെ അതിവേഗവിചാരണ നടത്തി പ്രതിക്ക് കഠിനമായ 
ആയുഷ്കാലതടവുശിക്ഷ നല്‍കണം. അതിനുള്ള നിയമഭേദഗതി വേണമെന്നു അവര്‍ 
ആവശ്യപ്പെടുന്നു.

        ബലാല്‍സംഗത്തിനു ശിക്ഷയായി ഷണ്ഡീകരിക്കൽ (castration) നടപ്പിലാക്കുക  
തുടങ്ങിയ നിര്‍ദ്ദേശങ്ങള്‍ ഉയര്‍ന്നു വന്നിട്ടുണ്ട്. ഇതില്‍ പലതരം പ്രായോഗിക പ്രതിബന്ധങ്ങള്‍ 
ഉണ്ടെന്നാണ് വിദഗ്ദ്ധര്‍ പറയുന്നത്. 

      സ്ത്രീക്ക് തുല്യ നീതി, തുല്യ പദവി എന്നിവ  ഉറപ്പു വരുത്തുന്ന ഒരു സാമൂഹിക വ്യവസ്ഥ 
സൃഷ്ടിക്കുക എന്നതാണ് ബലാത്സംഗം ഉള്‍പ്പെടെയുള്ള സ്ത്രീ പീഡനങ്ങള്‍ ഇല്ലാതാക്കാനുള്ള 
വഴി. മതങ്ങള്‍ അരക്കിട്ടുറപ്പിച്ച, സാമൂഹിക മനസ്സില്‍ അള്ളിപ്പിടിച്ചിരിക്കുന്ന പുരുഷാധിപത്യ 
പ്രത്യയശാസ്ത്രബോധം പിഴുതുമാറ്റി ആധുനിക ജനാധിപത്യത്തിന്റെ മാനവികാശയം 
വളര്‍ത്തിക്കൊണ്ടു വരുകയാണ് പ്രഥമവും പ്രധാനവുമായ കര്‍ത്തവ്യം.

                      --------------


ബലാത്സംഗം - കാരണങ്ങളും പരിഹാരവും


രണ്ടായിരത്തി പന്ത്രണ്ടു ഡിസംബര്‍ 16നു ഡല്‍ഹിയില്‍ നടന്ന കൂട്ട 
ബലാത്സംഗം സ്ത്രീകളുടെ പദവിയെക്കുറിച്ചു ഗൌരവപൂര്‍ണ്ണമായ 
ചര്‍ച്ചകള്‍ക്ക് വഴിയൊരുക്കുകയുണ്ടായി. സമീപകാല ഇന്ത്യയുടെ
മനസ്സാക്ഷിയെ ഞെട്ടിച്ചതും, തലസ്ഥാനനഗരത്തെ പ്രക്ഷോഭങ്ങ
ളുടെ വേലിയേറ്റത്താല്‍ പ്രകമ്പനം കൊള്ളിച്ചതുമായ ഈ സംഭവ
ത്തിന്റെ ഒരു ഗുണാത്മകവശം ഈ ചര്‍ച്ചയാണ്. 

സ്ത്രീകള്‍ക്കെതിരെയുള്ള അതിക്രമങ്ങള്‍, പ്രത്യേകിച്ചു ബലാത്സംഗങ്ങള്‍
വര്‍ദ്ധിച്ചുവരികയാണോ, ഉണ്ടെങ്കില്‍ അതിന്റെ കാരണമെന്ത്, അതിനു
പരിഹാരമാര്‍ഗ്ഗമെന്ത് തുടങ്ങിയ വിഷയങ്ങളില്‍ പ്രമുഖ വ്യക്തികളും, 

സംഘടനകുളും അഭിപ്രായങ്ങള്‍ പ്രകടിപ്പിക്കുകയുണ്ടായി. സ്ത്രീകള്‍ക്കെ
തിരെയുള്ള ലൈംഗികാതിക്രമങ്ങള്‍ തടയുന്നതിനുള്ള ബില്ലില്‍ ഭേദഗതി 
നിര്‍ദ്ദേശിക്കുന്നതിനായി നിയമിക്കപ്പെട്ട ജസ്റ്റീസ് ജെ.എസ് വര്‍മ്മ 
കമ്മിറ്റിയുടെ മുമ്പാകെ പലവിധ നിര്‍ദ്ദേശങ്ങള്‍ സമര്‍പ്പിക്കപ്പെടുക
യുണ്ടായി. ബലാല്‍സംഗത്തിന് വധശിക്ഷ വേണം, വധശിക്ഷ വേണ്ട 
നിയമം കര്‍ശനമാക്കിയാല്‍ മതി, ജീവപര്യന്തം തടവ്‌ ശിക്ഷ വേണം, 
അത് തന്നെ കുറ്റവാളിയുടെ ജീവിതാന്ത്യംവരെയായിരിക്കണം,
നടപടിക്രമങ്ങള്‍ ത്വരിതപ്പെടുത്തണം തുടങ്ങിയ നിര്‍ദ്ദേശങ്ങള്‍ സമര്‍പ്പി

ക്കപ്പെട്ടു. അവ മുന്നോട്ടു വെച്ച വ്യക്തികളുടെയും സംഘടനകളുടെയും 
ആശയപരമായ വീക്ഷണം ഈ നിര്‍ദ്ദേശങ്ങളില്‍ പ്രതിഫലിച്ചിരുന്നു.


ബലാത്സംഗങ്ങളുടെ കാരണങ്ങള്‍ 

ബലാത്സംഗങ്ങളുടെ അടിസ്ഥാനപരമായ കാരണം പുരുഷാധിപത്യ
സാമൂഹികവ്യവസ്ഥയാണ്‌ എന്ന് മാധ്യമ ചര്‍ച്ചകള്‍
വെളിപ്പെടുത്തുന്നു. ചെറുപ്പത്തിലേ തന്നെ വീട്ടില്‍ മുന്തിയ
പരിഗണന നല്‍കിക്കൊണ്ടാണ് ആണ്‍കുട്ടികളെ വളര്‍ത്തുന്നത്. ഇന്ത്യന്‍
സംസ്കാരത്തില്‍ പുത്രനുള്ള സ്ഥാനം വലിയതാണ്.
പുത്രന്‍ എന്ന വാക്കിന്റെ അര്‍ഥം തന്നെ
'പും എന്ന നരകത്തില്‍ നിന്ന് പിതാവിനെ ത്രാണനം (രക്ഷിക്കുന്നവന്‍)
ചെയ്യുന്നവന്‍' എന്നാണു. പുത്രനില്ലാത്തവന്റെ ജീവിതം അര്‍ത്ഥശൂന്യമാണെന്നു
കല്‍പ്പിക്കപ്പെടുന്നു. എത്ര പെണ്മക്കളുണ്ടായിട്ടും കാര്യമില്ല ആത്മാവിനു
നിത്യശാന്തി ലഭിക്കണമെങ്കില്‍ മകന്‍ തന്നെ ബലിതര്‍പ്പണം ചെയ്യേണ്ടി
യിരിക്കുന്നു. മതാത്മകമായത് കൊണ്ട് സ്ത്രീകള്‍ പോലും പുരുഷാധി
പത്യവ്യവസ്ഥയുടെ വക്താക്കളായി മാറുകയും അതിനനുസരിച്ചു
കുട്ടികളെ വളര്‍ത്തുകയും ചെയ്യുന്നു. "അവന്‍ എത്രയായാലും ഒരാണല്ലേ?"
എന്ന് ചോദിക്കുന്നത് സ്ത്രീകള്‍ തന്നെയാണ്. അമ്മമാര്‍ വീടുകളില്‍
ആണ്‍കുട്ടികള്‍ക്ക് നല്‍കുന്നത്ര വാത്സല്യവും പരിഗണനയും
പെണ്‍കുട്ടികള്‍ക്കു നല്‍കാറില്ല. തന്നെ സംരക്ഷിക്കേണ്ടത്
മകനാണെന്നതും മകള്‍ അന്യവീട്ടിലേക്കു
പോകേണ്ടവളാണ് എന്നതുമായിരിക്കാം ഒരു കാരണം. ഒരു പക്ഷെ
മനുഷ്യവംശത്തിന്റെ ആരംഭകാലം തൊട്ടു തന്നെ പുരുഷന്‍ സ്ത്രീകളുടെ
മേല്‍ ആധിപത്യം പുലര്‍ത്തിയിരിക്കാനാണ് സാധ്യത. സ്ത്രീയുടെ
ശാരീരികമായ 'ദുര്‍ബ്ബലാവസ്ഥ'യും പുരുഷന്റെ ശാരീരികമായ ശക്തിയുമാണ്
അവന്റെ മേധാവിത്വത്തിനു നിദാനം. മതങ്ങളുടെ ആശയങ്ങളിലും
പുരുഷാധിപത്യം തന്നെയാണ് പ്രതിഫലിക്കുന്നത്. ഹിന്ദുമതത്തിന്റെ
നിയമഗ്രന്ഥം എന്ന് വിശേഷിപ്പിക്കപ്പെടുന്ന മനുസ്മൃതി എന്ത് പറയുന്നു
എന്ന് എല്ലാവര്‍ക്കുമറിയാം.

          പിതാ രക്ഷതി കൌമാരേ
          ഭര്‍ത്താ രക്ഷതി യൗവ്വനേ
          പുത്രോ രക്ഷതി വാര്‍ദ്ധക്യേ
          ന:സ്ത്രീ സ്വാതന്ത്ര്യമര്‍ഹതി

സ്ത്രീയെ പുരുഷന്‍ എക്കാലത്തും സംരക്ഷിക്കും, അവള്‍ അവന്റെ
ആശ്രയത്തിലായിരിക്കും എന്നാണല്ലോ ഇതിന്റെ അര്‍ത്ഥം.
'സ്ത്രീ നിന്റെ കൃഷി സ്ഥലമാണ്. നിനക്കവിടെ ഇഷ്ടം പോലെ
വിളവിറക്കാം. ഒരു പുരുഷന്‍ സാക്ഷി പറയുന്നിടത്ത് രണ്ടു സ്ത്രീകള്‍
സാക്ഷി പറയണം' തുടങ്ങിയവയാണ് ഇസ്ലാമിലെ നിയമങ്ങള്‍.
ക്രിസ്തുമതവും ഇക്കാര്യത്തില്‍ ഭിന്നമല്ല. പുരുഷന്റെ ഏകാന്തത
മാറ്റാന്‍ വേണ്ടി അവന്റെ വാരിയെല്ലില്‍ നിന്നും ദൈവം സ്ത്രീയെ
സൃഷ്ടിച്ചു എന്ന ബൈബിള്‍ കഥയുടെ പൊരുള്‍ സ്ത്രീക്ക്
സ്വന്തമായി അസ്തിത്വമില്ല എന്നു തന്നെയാണ്.

ആധുനിക ഇന്ത്യയിലും മതാത്മകകാഴ്ചപ്പാടില്‍ നിന്നും സമൂഹം
മുന്നോട്ടു പോയിട്ടില്ല. പൊതുവിഷയങ്ങളില്‍ അഭിപ്രായം പറയുന്നതിനോ
ഇടപെടുന്നതിനോ യാഥാസ്ഥിതിക സമൂഹം സ്ത്രീയെ അനുവദിക്കുകയില്ല.
പാര്‍ലിമെന്റില്‍ സ്ത്രീ സംവരണത്തിനുള്ള നിയമം പാസ്സാവാതിരിക്കുന്നതും
ഇത് കൊണ്ടാണ്. പുരോഗമനവീക്ഷണമുള്‍ക്കൊള്ളുന്ന രാഷ്ട്രീയ
കക്ഷികളുടെ നേതാക്കള്‍ പോലും ഈ നിലപാടാണ് വ്യക്തിജീവിതത്തില്‍
വെച്ച്പുലര്‍ത്തുന്നത്. സ്ത്രീകള്‍ക്ക് മാത്രം ബാധകമായ സദാചാരം, ചാരിത്ര്യം
എന്നീ 'മൂല്യവ്യവസ്ഥകള്‍' പുരുഷതാല്‍പ്പര്യങ്ങള്‍ സംരക്ഷിക്കാന്‍ വേണ്ടി
സൃഷ്ടിക്കപ്പെട്ടവയാണ്.

ഇന്ത്യന്‍ സംസ്കാരത്തില്‍ ബലാല്‍സംഗബോധം ഉള്‍ച്ചേരുന്നു
എന്നാണു പ്രശസ്ത പത്രപ്രവര്‍ത്തകന്‍ പ്രവീണ്‍സ്വാമി പറയുന്നത്.
ഇന്ത്യന്‍ ബഹുജനസംസ്കാരം സ്ത്രീവിരോധം നിറഞ്ഞതാണെന്ന്
അദ്ദേഹം വിലയിരുത്തുന്നു. താന്‍ ഇഷ്ടപ്പെടുന്ന പെണ്ണിനെ കീഴടക്കുന്നത്‌
ആണത്തത്തിന്റെ ലക്ഷണമായി സിനിമകള്‍ ഉദ്ഘോഷിക്കുന്നു.
സ്പോട്സ്, മദ്യപാനം, അടിപിടി, എന്നതൊക്കെപ്പോലെ
ബലാല്‍സംഗവും ആണുങ്ങള്‍ക്ക് പറഞ്ഞതാണ് എന്ന ബോധമാണ്
ഇവിടെയുള്ളത്. പുത്രാരാധക ഇന്ത്യന്‍ സമൂഹം സ്ത്രീയെ
കീഴടക്കുന്നത് (ഏതു കാര്യത്തിലായാലും) അനുവദനീയ കൃത്യമായിട്ടാണ്
കരുതുന്നത് എന്നദ്ദേഹം പറയുന്നു (ഹിന്ദു: 27.12.12) കീഴടക്കപ്പെടുന്ന
സ്ത്രീയുടെ 'വേണ്ട, വേണ്ട' എന്ന നിഷേധത്തെ, 'വേണം, വേണം'
എന്ന ആഗ്രഹമായി അവര്‍ വ്യാഖ്യാനിക്കുന്നു.
ഈ ചിന്തയുടെ വേരുകള്‍, സ്ത്രീജിതന്മാരായ ഇന്ദ്രന്റെയും,
ശിവന്റെയും കഥകളിലൂടെ, പുരാണങ്ങളിലും ഇതിഹാസങ്ങളിലും
വേണ്ടത്ര കാണാന്‍ കഴിയും. ലൈംഗികാഭിനിവേശപൂര്‍ത്തീകരണം
എന്നതിനേക്കാള്‍ പുരുഷാധിപത്യത്തിന്റെ പ്രകടനമാണ് ബലാല്‍സംഗം
എന്നാണു സാമൂഹികചിന്തകര്‍ അഭിപ്രായപ്പെടുന്നത്. ലൈംഗിക
കുറ്റവാളികളില്‍ നടത്തിയ പഠനം അവരില്‍ ഭൂരിപക്ഷവും അമിത
ലൈംഗികാസക്തിയുള്ളവരല്ല എന്നാണു കാണിച്ചിട്ടുള്ളത്.
ഇന്ത്യയില്‍ പല നഗരങ്ങളിലും വേശ്യാവൃത്തി അംഗീകരിക്കപ്പെട്ടിട്ടുണ്ട്.
30 ലക്ഷം ലൈംഗിക തൊഴിലാളികള്‍ ഇന്ത്യയിലുണ്ടെന്നാണ്
കണക്കു. എന്നിട്ടും 1953 മുതല്‍ 2011 വരെയുള്ള കാലത്ത് ബലാല്‍സംഗം
873 ശതമാനം വര്‍ദ്ധിക്കുകയുണ്ടായി. സ്ത്രീ വിരോധം
(misogyny) അവരുടെ ശരീരം ആക്രമിക്കാനുള്ള, വിശേഷിച്ചു
ജനനേന്ദ്രിയത്തില്‍ പരുക്കേല്പ്പിക്കാനുള്ള, പ്രവണത ചിലരില്‍
സൃഷ്ടിക്കുന്നുണ്ടത്രെ. (രുചിര ഗുപ്ത, ഹിന്ദു: 30.12.12)

ലോകമൊട്ടാകെ പല യുവാക്കളും കരുതുന്നത് സ്പോട്സ്, മദ്യപാനം,
അടിപിടി എന്നിവയെപ്പോലെ ബലാല്‍സംഗവും ഒരു
പുരുഷവീരപരാക്രമമായിട്ടാണ്. 2010 ല്‍ ഇന്ത്യയില്‍ ബലാല്‍സംഗത്തിന്
അറസ്റ്റു ചെയ്യപ്പെട്ടവരില്‍ 58 ശതമാനവും 18-30 പ്രായപരിധിയില്‍
പെട്ടവരായിരുന്നു. (ഹിന്ദു: 11.01.13) അടിച്ചമര്‍ത്തപ്പെടുന്ന ലൈംഗിക
വികാരമാണ് മറ്റൊരു കാരണമായി പറയപ്പെടുന്നത്‌. തങ്ങള്‍ക്കു
ആസ്വദിക്കാന്‍ കഴിയാതെ പോകുന്ന ലൈംഗികത മറ്റു ചിലര്‍
അനുഭവിക്കുന്നത് കാണുമ്പോഴുള്ള പക
ബലാത്സംഗത്തിനു പ്രേരണയാകുമത്രെ!

സാമ്പത്തിക ഉദാരവല്‍ക്കരണം സംസ്കാരത്തില്‍ മാറ്റം വരുത്തി.
പൊതു ഇടങ്ങള്‍ കുറയുകയും, രാഷ്ട്രീയബോധം ഇല്ലാതാവുകയും
ചെയ്തു. സാമൂഹിക ബന്ധങ്ങളില്‍ കുറവുണ്ടാവുകയും വ്യക്തികളില്‍
ഒറ്റപ്പെടലിന്റെ അസ്വസ്ഥതകള്‍ ഉടലെടുക്കുകയും അത് കുറ്റകൃത്യങ്ങള്‍ക്ക്
ആക്കം കൂട്ടുകയും ചെയ്യുന്നു. നാഷണല്‍ ക്രൈം റെക്കോഡ്സ് ബ്യൂറോയുടെ
കണക്കു പ്രകാരം 2011ല്‍ 18-30 പ്രായപരിധിയില്‍ വരുന്ന 29,937
പുരുഷന്മാര്‍ അറസ്റ്റു ചെയ്യപ്പെട്ടു. 18-30 പ്രായപരിധിയില്‍ വരുന്ന
കുറ്റവാളികളുടെ കണക്കു നോക്കുക:
        1991 : 8,864
        2011 : 16,528
നഗരങ്ങളിലെ മധ്യവര്‍ഗ്ഗപുരുഷന്മാര്‍ക്ക് തൊഴില്‍പരമായ കാരണങ്ങളാലും
മറ്റും തങ്ങളുടെ അധികാരം നഷ്ടപ്പെട്ടു എന്ന തോന്നലുണ്ടാവുകയും
അതിനു കാരണക്കാരായ സ്ത്രീവര്‍ഗ്ഗത്തോട് പകയുണ്ടാവുകയും
ബലാത്സംഗത്തിലൂടെ അധികാര പ്രയോഗത്തിന്റെ നിര്‍വൃതി
ആസ്വദിക്കുകയും ചെയ്യുന്നു.

മധ്യവര്‍ഗ്ഗസമൂഹങ്ങളെ സംബന്ധിച്ചിടത്തോളം മുകളിലെ
വിലയിരുത്തലുകള്‍ ശരിയാവാമെങ്കിലും സവര്‍ണ്ണ ജന്മിത്വവ്യവസ്ഥ
നിലനില്‍ക്കുന്ന ഗ്രാമങ്ങളിലെ ബലാല്‍സംഗത്തിന്റെ കാരണങ്ങള്‍
കുറേക്കൂടി വ്യത്യസ്തമാണെന്ന് പറയാം. ജന്മിത്വത്തിന്റെ സ്വഭാവിക
ഘടകമായ പുരുഷാധിപത്യം പിന്നോക്ക ഗ്രാമങ്ങളില്‍ ഒരു
സംസ്കാരമായി വേരുറച്ചു നില്‍ക്കുകയാണ്. ദളിതരെ അവിടെ
മനുഷ്യരായി പരിഗണിക്കുന്നില്ല ദളിത സ്ത്രീകളെ കൂട്ട ബലാത്സംഗം
ചെയ്യുന്നത് ഒരു കുറ്റമോ തെറ്റോ ആയി ജന്മിമാര്‍ കണക്കാക്കുന്നില്ല
എന്ന് മാത്രമല്ല, അതൊരു അവകാശമായി കരുതുകയും ചെയ്യുന്നു.
അടിമസ്ത്രീകളോട് പെരുമാറുന്നത് പോലെയാണ് അവര്‍ ദളിത
സ്ത്രീകളോട് പെരുമാറുന്നത്. ഭൂവുടമയുടെ ഇംഗിതത്തിനു വഴങ്ങുക
തങ്ങളുടെ കടമയോ വിധിയോ ആണെന്നതിനപ്പുറം ചിന്തിക്കാന്‍
പല ദളിത്‌ സ്ത്രീകള്‍ക്കും ആവുകയില്ല.
ആരെങ്കിലും പോലീസില്‍ പരാതിപ്പെട്ടാല്‍ തന്നെ പോലീസ് പലപ്പോഴും
ശ്രദ്ധിക്കുകയില്ല എന്ന് മാത്രമല്ല പീഡിപ്പിക്കപ്പെട്ടവരെ
കൂടുതല്‍ പീഡനത്തിനിരയാക്കുകയും ചെയ്യും. പൊലീസിനെതിരെ
പരാതിപ്പെട്ടാല്‍ പ്രതികാരം ഉറപ്പാണ്. ഇല്ലെങ്കില്‍ കൈക്കൂലി
കൊടുക്കേണ്ടി വരും. ഭൂവുടമകളും, പോലീസുദ്യോഗസ്ഥരും ഉയര്‍ന്ന
ജാതിക്കാരും പ്രതികളായ സംഭവങ്ങളില്‍ 5 ശതമാനം മാത്രമാണ്
കേസ് രജിസ്റ്റര്‍ ചെയ്യപ്പെടുന്നത്. ഇതില്‍ത്തന്നെ 30 ശതമാനം തള്ളിപ്പോവുന്നു.
ഇരകളെയും സാക്ഷികളെയും പോലീസ് ഭീഷണിപ്പെടുത്തുകയും
ഭര്‍ത്താക്കന്മാരെ മര്‍ദ്ദിക്കുകയും ചെയ്യും. അലഹബാദില്‍ നിന്ന് 30
കിലോമീറ്റര്‍ അകലെ താര്‌വായ് പോലീസ് സ്റ്റേഷന്‍ അതിര്‍ത്തിയിലുള്ള
തിക്കാരി ഗ്രാമത്തിലെ 45 വയസ്സുള്ള ലല്ലിദേവിയുടെ കദനപൂര്‍ണ്ണമായ
അനുഭവം നോക്കുക. ഇന്ദിരാ ആവാസ് യോജന പദ്ധതിയുടെ
ആനുകൂല്യമുപയോഗിച്ചു ലല്ലിദേവി ഒരു വീട് പണിതു. പോരാതെ വന്ന
പണം പ്രാദേശിക പണമിടപാടുകാരനില്‍ നിന്നും കൊള്ളപ്പലിശക്ക്
വാങ്ങിച്ചു. പണം തിരിച്ചു കൊടുക്കുന്നതില്‍ താമസം വന്നപ്പോള്‍
പലിശക്കാരന്‍ ലല്ലിദേവിയുടെ വീട് പൊളിച്ചു.ഇത് ചോദ്യം ചെയ്ത ലല്ലിയുടെ
ഭര്‍ത്താവിനേയും മകനേയും പലിശക്കാരന്റെ ഗുണ്ടകള്‍ മര്‍ദ്ദിച്ചു.
അവര്‍ താമസിച്ചിരുന്ന കുടിലിനു തീവെച്ചു. ഇതിനെതിരെ പോലീസ്
ഒരു നടപടിയുമെടുത്തില്ല.

1994 ജനുവരിയില്‍ അലഹബാദിനടുത്തുള്ള ദാനഗ്രാമത്തില്‍ ശിവപാട്യ
എന്ന വൃദ്ധയായ ദളിത്‌ സ്ത്രീയെ നഗ്നയായി നടത്തി. അവര്‍ കൃഷി ചെയ്ത
പച്ചക്കറികള്‍ കുര്‍മി (പ്രബലമായ പിന്നോക്ക വിഭാഗം) ജാതിയില്‍പ്പെട്ട
കുട്ടികള്‍ അറുത്തു കൊണ്ട് പോവുന്നത് അവരുടെ മകന്‍ തടഞ്ഞു
എന്നതായിരുന്നു കാരണം. പ്രശ്നം വാര്‍ത്താപ്രാധാന്യം നേടിയപ്പോള്‍
ഭരണകക്ഷി നേതാക്കളായ കന്‍ഷിറാമും, മുലായംസിംഗ് യാദവും
സ്ഥലം സന്ദര്‍ശിച്ചു. ഭൂമി നല്‍കാമെന്നും, പണം നല്‍കാമെന്നും
വാഗ്ദാനമുണ്ടായി. പക്ഷെ 17 വര്‍ഷങ്ങള്‍ കഴിഞ്ഞിട്ടും കേസ്
സെഷന്‍സ് കോടതിയില്‍ കെട്ടിക്കിടക്കുകയാണ്. ഒരു ദളിത്‌
വനിതയായ മായാവതി ഇക്കാലയളവില്‍ 4 തവണ മുഖ്യമന്ത്രിയായി
എന്ന് കൂടി ഓര്‍ക്കുക. ഫാസ്റ്റ് ട്രാക്ക് കോടതിയിലാണ് കേസ് നടക്കുന്നത്
എന്ന് കൂടി അറിയുമ്പോള്‍ ദളിത്‌ പ്രശ്നങ്ങളില്‍ അധികൃതര്‍ക്കുള്ള
അനാസ്ഥ മനസ്സിലാക്കാവുന്നതേയുള്ളൂ.

ഹരിയാണയിലെ സച്ചാ ഖേര ഗ്രാമത്തില്‍ 2012 ഒക്ടോബറില്‍ കൂട്ട
ബലാത്സംഗങ്ങളുടെ പരമ്പര തന്നെയുണ്ടായി. 16 വയസ്സുകാരിയെ
ബലാത്സംഗം ചെയ്തത് ഗ്രാമത്തിലെ മൂന്നു ഗുണ്ടകളായിരുന്നു.
മാനക്കേട്‌ സഹിക്കാന്‍ വയ്യാതെ അവള്‍ സ്വയം
തീകൊളുത്തി ആത്മഹത്യ ചെയ്തു. കോണ്ഗ്രസ് പ്രസിഡന്റ്
സോണിയാഗാന്ധി അവിടം സന്ദര്‍ശിക്കുകയും പെണ്‍കുട്ടിയുടെ
മാതാപിതാക്കളായ രാജകാളി, കാളി എന്നിവരുമായി സംസാരിക്കുകയും
ചെയ്തെങ്കിലും ഒരു ഫലവുമുണ്ടായില്ല. കുറ്റവാളികള്‍ ജാട്ട് സമുദാ
യാംഗങ്ങളും, ജാട്ട് സമുദായത്തിന് സര്‍ക്കാരില്‍ വന്‍സ്വാധീനവും 

ഉള്ളതുകൊണ്ട് കുറ്റവാളികള്‍ക്കെതിരെ നടപടിയുണ്ടായില്ല

2012 ഒക്റ്റോബര്‍ 3 നു സോണാപ്പെട്ട് ജില്ലയിലെ ബെന്‍വാസാ
ഗ്രാമത്തിലെ ഒരു നവവധുവിനെ 4 പേര്‍ ചേര്‍ന്ന് ബലാത്സംഗം
ചെയ്തു. പെണ്‍കുട്ടിയെ കുടുംബം ഉപേക്ഷിച്ചു എന്നല്ലാതെ
കുറ്റവാളികളെ പിടികൂടുകയുണ്ടായില്ല.

പകുതി ഇന്ത്യക്കാരും പ്രായപൂര്‍ത്തിയാവുന്നതിനു മുമ്പേ ലൈംഗിക
പീഡനം അനുഭവിച്ചവരാണെന്ന് കണക്കുകള്‍ കാണിക്കുന്നു.
2007 ല്‍ വനിതാ-ശിശു വികസന മന്ത്രാലയം പുറത്തിറക്കിയ
സര്‍വ്വേ റിപ്പോര്‍ട്ട് പറയുന്നത് പഠനവിധേയമാക്കിയ 12,477
കുട്ടികളില്‍ 68.99 ശതമാനവും ശാരീരികപീഡനത്തിനിരയായിരുന്നു
എന്നാണ്. ഇതില്‍ പകുതിയും ആണ്‍കുട്ടികളായിരുന്നു. 12 ല്‍
ഒരാള്‍ ലൈംഗികപീഡനത്തിനും ഇരയായിരുന്നു. ഇതിലും, ഭൂരിപക്ഷം
ആണ്‍കുട്ടികളായിരുന്നു. (പ്രവീണ്‍ സ്വാമി, ഹിന്ദു:11.01.13)


വധശിക്ഷ പോലുള്ള കഠിനശിക്ഷകള്‍ ഇല്ലാത്തതാണ്
ബലാത്സംഗങ്ങള്‍ വര്‍ദ്ധിച്ചു വരാന്‍ കാരണമെന്നു പറയുന്നവരുണ്ട്.
തമിഴ്നാട് മുഖ്യമന്ത്രി ജയലളിത  ജ:ജെ.എസ്.വര്‍മ്മ കമ്മീഷന്
നല്‍കിയ നിര്‍ദ്ദേശങ്ങളിലൊന്ന്  വധശിക്ഷ ഏര്‍പ്പെടുത്തണമെന്നാണ്.
കേന്ദ്ര വനിതാ-ശിശുവികസന മന്ത്രി കൃഷ്ണാതിരാത്ത് പറഞ്ഞത്
ലൈംഗികപീഡനങ്ങള്‍ക്ക് വധശിക്ഷ നല്‍കും വിധം ശിക്ഷാ
നിയമം ഭേദഗതി ചെയ്യണമെന്നാണ്. ബലാത്സംഗപ്രതികളെ
തൂക്കിക്കൊല്ലണമെന്ന് പാര്‍ലിമെന്റില്‍ സുഷമാ സ്വരാജ്,
ഗിരിജാ വ്യാസ്, ബി.ജെ.പി, ഡി.എം.കെ., എ.ഐ.എ.ഡി.എം.കെ.
എന്നീ പാര്‍ട്ടികളുടെ എം.പി. മാര്‍ എന്നിവര്‍ ക്ഷുഭിതരായി
ആവശ്യപ്പെടുകയുണ്ടായി. ദല്‍ഹി പ്രക്ഷോഭകരില്‍ നിന്നും ആദ്യം
ഉയര്‍ന്ന ആവശ്യവും പ്രതികളെ തൂക്കിലേറ്റണമെന്നായിരുന്നു.
ശിക്ഷയുടെ കാഠിന്യം വര്‍ധിപ്പിച്ചതുകൊണ്ട് കുറ്റങ്ങള്‍ ഇല്ലാതാവുകയില്ല
എന്നത് അനുഭവസിദ്ധമായ സത്യമാണ്.

പ്രതീക്ഷിച്ചതുപോലെ മതരാഷ്ട്രീയത്തിന്റെ വക്താക്കള്‍ കുറ്റം
കണ്ടെത്തിയത് സ്ത്രീകളിലാണ്. സ്ത്രീകള്‍ ലക്ഷ്മണരേഖ
മുറിച്ചു കടക്കുന്നതാണ് ലൈംഗികപീഡനത്തിനു കാരണമെന്നാണ്
മദ്ധ്യപ്രദേശിലെ ബി.ജെ.പി. മന്ത്രി കൈലാഷ് വിജയ്‌ വര്‍ഗ്ഗിയ പറഞ്ഞത്.
ആര്‍.എസ്.എസ്.തലവന്‍ മോഹന്‍ ഭാഗവത് പറഞ്ഞത് ഭാരതത്തില്‍
ബലാത്സംഗം നടക്കുന്നില്ല, ഇന്ത്യയിലാണ് നടക്കുന്നത് എന്നാണ്.
അതിന്റെ അര്‍ത്ഥം ഗ്രാമങ്ങളില്‍ നടക്കുന്നില്ല, ഇന്ത്യന്‍ നഗരങ്ങളിലാണ്
നടക്കുന്നത് എന്നാണല്ലോ. തീരെ യാഥാര്‍ത്ഥ്യബോധമില്ലാത്ത ഒരു
പ്രസ്താവനയായിരുന്നു അത്. ബലാത്സംഗം അധികവും നടക്കുന്നത്
ഗ്രാമങ്ങളിലാണ്; ഇരകളാവട്ടെ, ഭൂരിപക്ഷവും ദളിതരും, പട്ടിക വര്ഗ്ഗക്കാരും.
പെണ്‍കുട്ടികളും ആണ്‍കുട്ടികളും ഒന്നിച്ചിരുന്ന്  പഠിക്കുന്നത്
അവസാനിപ്പിക്കണമെന്നായിരുന്നു ജമാ അത്തെ ഇസ്ലാമിയുടെ ആവശ്യം.
പുരുഷന്മാരെ പ്രകോപിപ്പിക്കുന്ന തരത്തിലുള്ള വസ്ത്ര ധാരണം,
അസമയത്തുള്ള (എന്താണിത്?) യാത്ര, അടക്കവും ഒതുക്കവും
ഇല്ലാതിരിക്കല്‍ ഇതൊക്കെയാണ് സ്ത്രീകളെ ലൈംഗികമായി
ആക്രമിക്കാന്‍ പുരുഷന് പ്രേരണയാവുന്നത്. അത് കൊണ്ട്
ഇതൊക്കെ ഒഴിവാക്കിയാല്‍ പീഡനം ഉണ്ടാവില്ല എന്നാണ്
ഈ ആളുകള്‍ പറയുന്നത്! നല്ല വിവരം എന്നല്ലാതെ എന്ത് പറയാന്‍.

കുറ്റവാളികളെ പഴിക്കാതെ, പെണ്‍കുട്ടിയെ കുറ്റപ്പെടുത്താന്‍ ശ്രമിച്ച
മറ്റൊരാള്‍ കപടസ്വാമിയായ ആശാറാം ബാപ്പുവാണ്.
ആള്‍ദൈവമാണത്രേ ഇയാള്‍! രാജസ്ഥാനില്‍ നിന്ന് 90 കിലോമീറ്റര്‍
അകലെയുള്ള ഒരു സ്ഥലത്തെ ഒരു പൊതുപരിപാടിയില്‍
ഈ വിദ്വാന്‍ പറഞ്ഞത് പെണ്‍കുട്ടി കൈകൂപ്പി സരസ്വതീമന്ത്രം ചൊല്ലി
ഗുരുദീക്ഷ എടുത്തിരുന്നെങ്കില്‍ കുറ്റവാളികള്‍ പിന്‍വാങ്ങുമായിരുന്നു
എന്നാണ്. "ദൈവത്തെ ഓര്‍ത്ത്‌ എന്നെ ഒന്നും ചെയ്യരുത്. നിങ്ങള്‍
എന്റെ സഹോദരന്മാരാണ്" എന്ന് പറഞ്ഞിരുന്നെങ്കില്‍ കുറ്റവാളികള്‍
പിന്തിരിയുമായിരുന്നു എന്നാണു ഈ വിഡ്ഢി പറഞ്ഞത്. അവന് കയ്യടിക്കാനും
കാണും ചില വങ്കന്മാര്‍. ഇത്തരം വഷളന്മാരെ ദൈവമെന്നു പറഞ്ഞു
എഴുന്നള്ളിച്ചു നടക്കുന്നവരെയാണ് ചാണകവെള്ളത്തില്‍ ചൂല് മുക്കി
അടിക്കേണ്ടത്.

മുകളില്‍ വിശദീകരിച്ചതില്‍ നിന്നും ബലാത്സംഗത്തിനു പ്രേരകമാവുന്നത്,
വര്‍ഗ്ഗപരമായ, മനശ്ശാസ്ത്രപരമായ, ലിംഗാധിപത്യ
പരമായ, സാമൂഹികമായ വ്യത്യസ്ത കാരണങ്ങളും
സാഹചര്യങ്ങളുമാണെന്ന് കാണാന്‍ കഴിയും. ചുരുക്കത്തില്‍ പുരുഷാധിപത്യ
ബോധവും വികലലൈംഗികപ്രേരണയുമാണ്‌ ബലാത്സംഗകുറ്റത്തിന്റെ
മൂലകാരണമെന്നു വിലയിരുത്താം.

വധശിക്ഷ ബലാത്സംഗത്തിനു പരിഹാരമാണോ?

നേരത്തെ പറഞ്ഞത് പോലെ വ്യക്തികളും സംഘടനകളും രാഷ്ട്രീയ
പ്രസ്ഥാനങ്ങളും ബലാത്സംഗം ഇല്ലാതാക്കുന്നതിന്
വധശിക്ഷ മുതല്‍ കര്‍ശന നിയമങ്ങള്‍ വരെ നിര്‍ദ്ദേശങ്ങളായി
ജ: വര്‍മ്മ കമ്മീഷന്‍ മുമ്പാകെ സമര്‍പ്പിച്ചിട്ടുണ്ട്. ശിക്ഷയുടെ ഉദ്ദേശം
deterrence (ഭയപ്പെടുത്തല്‍) ആണ്. അല്ലാതെ അത് പ്രതികാരമല്ല.
കുറ്റം ചെയ്‌താല്‍ ശിക്ഷ ലഭിക്കും എന്ന ഭയം മൂലം കുറ്റവാളി
കുറ്റകൃത്യത്തില്‍ നിന്നും പിന്മാറുന്നു. കുറ്റവാളിയുടെ മന:പരിവര്‍ത്തനവും
ശിക്ഷയുടെ ഒരു ലക്ഷ്യമാണ്‌. എന്നാല്‍ ജീവിത കാലം
മുഴുവനുമുള്ള തടവും വധശിക്ഷയും മന:പരിവര്‍ത്തനമല്ല, ഭയപ്പെടുത്തി
പിന്തിരിപ്പിക്കലാണ് ലക്ഷ്യമാക്കുന്നത്.

ഇന്ന് നിലവിലുള്ള നിയമങ്ങള്‍ പോരാത്തതല്ല ബലാത്സംഗങ്ങള്‍
വര്‍ദ്ധിക്കാന്‍ കാരണം. അതിന്റെ അടിസ്ഥാന കാരണം പുരുഷ കേന്ദ്രീകൃത 

സാമൂഹിക വ്യവസ്ഥ തന്നെയാണ്. സ്ത്രീയെ തുല്യയായി കാണാന്‍ പുരുഷാധിപത്യ
സമൂഹം തയ്യാറല്ല. ഈ മനോഭാവം നിയമം കൊണ്ടോ
വധശിക്ഷ കൊണ്ടോ മാറ്റിയെടുക്കാന്‍ കഴിയുകയില്ല. 2011 ല്‍ 

24206 ബലാത്സംഗക്കേസുകള്‍ രജിസ്റ്റര്‍ ചെയ്തതില്‍ 
വെറും 5724 എണ്ണം മാത്രമാണ് ശിക്ഷിക്കപ്പെട്ടത്. 2009-11
കാലത്താവട്ടെ 68000 കേസുകള്‍ രജിസ്റ്റര്‍ ചെയ്തു. അതില്‍ 
ജയിലിലായത് കേവലം 16000 പേര്‍ മാത്രം! ശിക്ഷിക്കപ്പെടുന്ന 
കേസുകളുടെ കാര്യത്തില്‍ കേരളവും പിറകിലാണ് - 9232 ല്‍ 
718 പേര്‍ മാത്രമാണ് ഇരുമ്പഴിക്കുള്ളിലായത്. 2012 ജനുവരി
മുതല്‍ നവംബര്‍ വരെ 635 ബലാത്സംഗ കേസുകള്‍ ചാര്‍ജ്ജ് ചെയ്യ
പ്പെട്ടു. ഇതോടനുബന്ധിച്ച് 754 പേരെ അറസ്റ്റ് ചെയ്തു. എന്നാല്‍ ഒരു
കേസിലെ പ്രതി മാത്രമാണ് ശിക്ഷിക്കപ്പെട്ടത്. ബലാല്‍സംഗ
ങ്ങളില്‍ ഒരു ചെറിയ ശതമാനം മാത്രമേ കേസായി രജിസ്റ്റര്‍
ചെയ്യപ്പെടുന്നുള്ളൂ. പോലീസ് അന്വേഷണവും കുറ്റവാളികളെ
നിയമത്തിനു മുമ്പില്‍ കൊണ്ടുവരലും വിരളമാണ്. പോലീസ്
കുറ്റവാളികളെ സഹായിക്കുന്ന നിലപാടെടുക്കാറുമുണ്ട്. ഇരകളെ വീണ്ടും
മാനസികപീഡനത്തിനു വിധേയമാക്കും വിധമാണ് പോലീസും
നിയമവ്യവസ്ഥയും പെരുമാറുന്നത് എന്നത് കൊണ്ടും, കളങ്കിത
മാവുമെന്ന ഭയം കൊണ്ടുമാണ് ഭൂരിപക്ഷം സംഭവങ്ങളും റിപ്പോര്‍ട്ട്
ചെയ്യപ്പെടാത്തത്. കുറ്റവാളികള്‍ക്ക് പകരം അതിക്രമത്തിനു
വിധേയരായവരെ കുറ്റപ്പെടുത്തുന്ന പോലീസ് സംവിധാനവും,
നിയമവ്യവസ്ഥയും പൊതുസമൂഹവും നില നില്‍ക്കുന്നു.
കോടതി പോലും ചെറുപ്പക്കാരായ പ്രതികളോട് കനിവ്
കാണിക്കാറുണ്ട്. കുറ്റം ചെയ്‌താല്‍ പിടിക്കപ്പെടുകയില്ല,
പിടിക്കപ്പെട്ടാലും ശിക്ഷ കിട്ടുകയില്ല
എന്ന ബോധമാണ് കുറ്റകൃത്യങ്ങള്‍ പെരുകാന്‍ കാരണം.

ലോകമൊട്ടാകെ പരിഷ്കൃത ജനാധിപത്യസമൂഹം വധശിക്ഷ എടുത്തു
കളയുന്നതിനെക്കുറിച്ച് ആലോചിച്ചുകൊണ്ടിരിക്കുകയാണ്.
ഒരു കൊലക്ക് പ്രതികാരമായി മറ്റൊരു കൊലപാതകം
സര്‍ക്കാര്‍ തന്നെ ചെയ്യുക എന്നതായിരിക്കും വധശിക്ഷയുടെ
ഫലം. പേടിപ്പെടുത്തുക എന്നതാണെങ്കില്‍ ജീവപര്യന്തം കഠിന
തടവ്‌ തന്നെ ധാരാളം മതി. സി.പി.എം. നലികിയ നിര്‍ദ്ദേശങ്ങളില്‍
ബലാത്സംഗ പ്രതിക്ക് ജീവിതാവസാനം വരെ തടവാണ്
നിര്‍ദ്ദേശിച്ചിരിക്കുന്നത്. മാത്രവുമല്ല വിചാരണയും ശിക്ഷാവിധിയു
മൊക്കെ വേഗത്തിലാക്കണമെന്നും ആവശ്യപ്പെട്ടിട്ടുണ്ട്. ഭൂരിപക്ഷം
രാഷ്ട്രീയകക്ഷികളും പ്രമുഖ വ്യക്തികളും വധശിക്ഷയോട്
യോജിക്കുന്നില്ല. വധശിക്ഷ നടപ്പിലാക്കിയാല്‍ ശിക്ഷാവിധി
കുറയുമെന്നാണ് പലരും അഭിപ്രായപ്പെട്ടിട്ടുള്ളത്. വധശിക്ഷ
വേണ്ടെന്നും ഭാര്യമാരെ ബലാത്സംഗം ചെയ്യുന്ന ഭര്‍ത്താക്കന്മാരെയും
ശിക്ഷിക്കണമെന്നും പല വനിതാ സംഘടനകളും നിര്‍ദ്ദേശിച്ചിട്ടുണ്ട്.
ബലാത്സംഗം ചെയ്യുന്നവര്‍ അടുത്ത ബന്ധുക്കളോ അയല്‍ക്കാരോ
പരിചിതാരോ ആയിരിക്കും.നാഷണല്‍ ക്രൈം റിക്കോഡ്‌സ്
ബ്യൂറോയുടെ കണക്കു പ്രകാരം 2011 ല്‍ നടന്ന 22,549 ബലാത്സംഗ
ങ്ങളില്‍ 94.2 ശതമാനം ഇരകള്‍ പരസ്പരം അറിയുന്നവരാണ്.
1.2 ശതമാനം, രക്ഷിതാക്കാളോ അടുത്ത ബന്ധുക്കളോ ആയിരുന്നു.
34.7 ശതമാനം അയല്‍ക്കാര്‍, 6.9 ശതമാനം ബന്ധുക്കള്‍ ഇങ്ങനെ
പോകുന്നു കണക്ക്. മേലുദ്ധരിച്ച പട്ടിക പ്രകാരം കുറ്റവാളികളെ
ഇനം തിരിച്ചാല്‍ ഇങ്ങനെയായിരിക്കും:

          7835 പേര്‍ :      അയല്‍ക്കാര്‍
          1560   "     :     അകന്ന മാമന്മാര്‍
          267     "     :     അച്ഛന്മാര്‍, സഹോദരന്മാര്‍,
                                 വലിയച്ഛന്‍മാര്‍,
                                 മച്ചുനിയന്മാര്‍
കൂടാതെ ആയിരക്കണക്കിന്  കുടുംബപരിചയക്കാര്‍,
അകന്ന സഹപ്രവര്‍ത്തകര്‍. ഇവര്‍ക്കൊക്കെ വധശിക്ഷ നല്‍കിയാല്‍
എന്തായിരിക്കും സാമൂഹികപ്രത്യാഘാതം? പോലീസ് കസ്റ്റഡിയിലുള്ള
ബലാത്സംഗങ്ങളും പട്ടാളക്കാരുടെ ബലാത്സംഗങ്ങളും നിരവധിയാണ്.
ഇതൊക്കെ എങ്ങിനെ വധശിക്ഷയുടെ പരിധിയില്‍ കൊണ്ടുവരാന്‍ കഴിയും?
വധശിക്ഷ ഏര്‍പ്പെടുത്തിയത് കൊണ്ട് കുറ്റകൃത്യങ്ങള്‍ കുറഞ്ഞതായി
തെളിവുകളൊന്നുമില്ല താനും.

ഷണ്ഡീകരിക്കൽ (castration) ആണ് മറ്റൊരു ശിക്ഷയായി
നിര്‍ദ്ദേശിക്കപ്പെട്ടിട്ടുള്ളത്‌. നമ്മുടെ സംസ്ഥാനമന്ത്രി ഡോ: എം.കെ മുനീര്‍
ഇതിനെ ന്യായീകരിക്കുന്ന ആളാണ്‌. സ്ത്രീകള്‍ക്കെതിരെയുള്ള
അതിക്രമങ്ങള്‍ തടയാന്‍ ഷണ്ഡീകരണം പര്യാപ്തമല്ല എന്നാണു
വിദഗ്ദ്ധാഭിപ്രായം. രാസപരമായ ഷണ്ഡീകരണം എന്നാല്‍ ആന്‍ഡ്രോജന്‍
കുത്തിവെച്ചു പുരുഷഹോര്‍മോണായ ടെസ്റ്റാസ്റ്ററോണിന്റെ
ഉത്പ്പാദനം തടയുക എന്നതാണ്. ഇത് എപ്പോഴും കൊടുത്ത്
കൊണ്ടിരുന്നാലെ ഫലമുണ്ടാവുകയുള്ളൂ. ഇതിനാകട്ടെ, പ്രായോഗിക
വൈഷമ്യങ്ങളുണ്ട്.

യാഥാസ്ഥികസംഘടനകളും, അവയ്ക്ക് സ്വാധീനമുള്ള
സര്‍ക്കാരുകളും പ്രതിലോമപരവും സ്ത്രീവിരുദ്ധവുമായ
നിര്‍ദ്ദേശങ്ങള്‍ മുന്നോട്ടു വെച്ചത് കാണുമ്പോള്‍ അത്ഭുതപ്പെടാനില്ല.
പെണ്‍കുട്ടികള്‍ക്കും ആണ്‍കുട്ടികള്‍ക്കും പ്രത്യേകം ബസ്സുകള്‍ വേണമെന്നും
പെണ്‍കുട്ടികള്‍ ഓവര്‍ക്കോട്ട് ധരിക്കണമെന്നും കാമ്പസ്സില്‍ മൊബൈല്‍
ഫോണ്‍ നിരോധിക്കണമെന്നുമാണ് പുതുശ്ശേരി ഗവണ്മെന്റിന്റെ
അഭിപ്രായം. താലിബാന്റെ മറ്റൊരു രൂപം എന്നല്ലാതെ എന്ത് പറയാന്‍!
പാശ്ചാത്യസംസ്കാരത്തിന്റെ കടന്നു കയറ്റമാണ്
ലൈംഗികാതിക്രമങ്ങള്‍ക്ക്‌ കാരണം എന്ന് പറയുന്നവര്‍
ഇതൊന്നും എത്തിനോക്കാത്ത ഇന്ത്യന്‍ കുഗ്രാമങ്ങളില്‍
എന്ത് കൊണ്ട് കൂട്ടബലാത്സംഗങ്ങള്‍ നടക്കുന്നു എന്ന ചോദ്യത്തിന്
ഉത്തരം പറയേണ്ടിയിരിക്കുന്നു.

സ്ത്രീപുരുഷ സമത്വം പുലരുന്ന, സ്ത്രീയെ പുരുഷന് തുല്യമായി
കണക്കാക്കുന്ന, ഒരു തുറന്ന സമൂഹം സംജാതമാക്കുകയാണ്
ആദ്യമായി വേണ്ടത്. പുരുഷന് സുഖം നല്‍കാനുള്ള ഒരു ഉപകരണം
മാത്രമാണ് സ്ത്രീ എന്ന കാഴ്ചപ്പാട് മാറേണ്ടിയിരിക്കുന്നു.
ലൈംഗികത പാപമാണെന്ന മതചിന്തക്ക് പകരം ലൈംഗികത
ജീവിതത്തെ സര്‍ഗ്ഗാത്മകമാക്കുന്ന, സ്ത്രീക്കും പുരുഷനും
തുല്യ പങ്കാളിത്തമുള്ള ഒരു വികാരമാണ് എന്ന ബോധം
ചെറുപ്പത്തില്‍ത്തന്നെ കുട്ടികളില്‍ വളര്‍ത്തിയെടുക്കേണ്ടിയിരിക്കുന്നു.
സ്ത്രീ-പുരുഷന്മാരെ മതില്‍കെട്ടി വേര്‍തിരിക്കാത്ത  ഒന്നിച്ചിടപഴകുന്ന
ഒരു സമൂഹം ഉണ്ടാവണം. സ്ത്രീയെ കീഴടക്കുക എന്നത് പുരുഷന്റെ
'ആണത്വ'പ്രകടനമാണെന്ന ബോധം ഇല്ലാതാവണം. സ്ത്രീയെ
മറക്കുടയ്ക്കുള്ളിലും, പര്‍ദ്ദയ്ക്കുള്ളിലും അടുക്കളയിലും തളച്ചിടുന്ന
ആശയങ്ങള്‍ നിലനില്‍ക്കുന്ന സാമൂഹികസാഹചര്യം മാറേണ്ടതുണ്ട്.
പൊതുസമൂഹത്തില്‍ എല്ലാ വേദികളിലും സ്ത്രീപുരുഷന്മാര്‍
സമന്മാരായിരിക്കണം. പാര്‍ലമെന്റിലും നിയമസഭകളിലും
പകുതി സീറ്റ് സ്ത്രീകള്‍ക്കായി സംവരണം ചെയ്യപ്പെടണം.
സ്ത്രീകള്‍ക്ക് സാമ്പത്തികമായ സ്വാശ്രയത്വം ഉണ്ടായിരിക്കണം.
ഇങ്ങനെയുള്ള ഒരു സമൂഹത്തില്‍
സ്ത്രീകള്‍ക്കെതിരെയുള്ള ലൈംഗികവും അല്ലാത്തതുമായ
അതിക്രമങ്ങള്‍ കുറയുക തന്നെ ചെയ്യും.

ബലാത്സംഗങ്ങള്‍ കുറയാന്‍ കടുത്ത ശിക്ഷ എഴുതി വെച്ചത്
കൊണ്ട് കാര്യമില്ല. നീതിയുക്തമായും സുതാര്യമായും അതിവേഗത്തിലും
ഇപ്പോഴുള്ള ശിക്ഷകള്‍ തന്നെ നടപ്പാക്കിയാല്‍ ഭയപ്പെടുത്തി തടയുക
എന്ന ശിക്ഷയുടെ ഉദ്ദേശ്യം സാധിതമാകും. മതങ്ങള്‍ അരക്കിട്ടുറപ്പിച്ച,
സാമൂഹികമനസ്സില്‍ അള്ളിപ്പിടിച്ചിരിക്കുന്ന പുരുഷാധിപത്യ
പ്രത്യയശാസ്ത്രം പിഴുതുമാറ്റി ആധുനിക ജനാധിപത്യത്തിന്റെ
മാനവികാശയം വളര്‍ത്തിക്കൊണ്ടു വരുകയാണ് പ്രഥമവും
പ്രധാനവുമായ കര്‍ത്തവ്യം.


                        ***************